مصطفى بكري يوجه رسالة لصغار موظفى الحكومة ويطالب بمحاكمة المتلاعبين في الأسعار

وجه الإعلامي مصطفى بكري رسالة إلى صغار الموظفين الحكوميين، مطالبا إياهم بعدم التضييق على المواطنين في ظل الظروف الحالية التي تمر بها البلاد.

وقال بكري خلال برنامج "حقائق وأسرار" المذاع على قناة "صدى البلد": "عايز أقول لكل انسان وطني على أرض مصر؛ كل واحد بيحب البلد دي كل واحد تاريخه وحياته وذكرياته وبيته وقبره في البلد دي؛ اتقوا الله في مصر وبقول لجمهورية الموظفين الصغيرين اللي النهاردة اللي رايح يجيبلي أدفع فاتورة الكهرباء مش عارف ليه أو البيت دة لازم يتهد في ايه؟ ما تلموا نفسكم شوية الناس تعبانة حسوا بالناس والناس دي دمها مصري والوطنية بتجري جواها".

وأضاف: "بقول لصغار الموظفين الرحمة؛ متقعدش تقفلي محلات دلوقتي؛ في حاجة اسمها قانون وارحموا الشعب من تصرفاتكم والله اللي بيعمل كدة دة ضد الرئيس السيسي وأي حد بيعمل احتقان لا يمكن أن يكون انسان وطني حقيقي".

وتابع: "أنا بتمنى مواجهة كل الشلل والعصابات دي لأن الأخوان دخلين في حتت كتير؛ متنسوش يا جماعة أن الاخوان في فترة السنة دخلوا ناس في الكهرباء والتربية والتعليم والإذاعة والتلفزيون ودخلوا ناس في حتت كتير واحنا عايزين نحد من الناس دي ونراقبها في تصرفاتها ضد البشر".

وتطرق بكري للحديث عن بعض التجار المتلاعبين في الأسعار والذين يستغلون الأوضاع الحالية من أجل تحقيق مكاسب من الأزمة مطالبا بمحاكمة مثل هؤلاء.

وواصل: "واحد بيرفع الأسعار أنت ضد البلد أنت متأمر؛ أي حد مخزن حاجة يتحاكم محاكمة عسكرية والحاجة تتباع؛ اللي بيخزنلي عربيات في مخازن واللي بيخزنلي الرز عشان ايه؟ عشان يولعوا يحطوا وقود للنار اللي متصورين أنها هتولع في البلد".

وأكمل: "في نفس الوقت الرحمة بشعبنا والرحمة وأنت بتطبق القانون أفهموا الشعب دة شعب بسيط وطيب ونقى؛ استروا الغلابة والطبقة المتوسطة وبطلوا تتعاملوا على عكس ما يريد رئيس الدولة وبنسمع كلامه ونشوف إجراءاته شكلها ازاي".

وأشار بكري إلى أن جماعة الإخوان الإرهابية تقوم بفبركة التصريحات والتغريدات على مواقع التواصل من أجل إثارة الرأي العالم مطالبا النائب العام بالتحقيق في مثل هذه الفبركات.

واختتم: "أنا شخصيا فبركولي 4 تويتات أني بأيد محمد مرسي مع أني أول واحد عمل مظاهرة ضده في 21 يوليو بعد الانتخابات وقلت يسقط حكم المرشد".