محمد الباز يكشف تفاصيل اعتقال الإخواني حسام الغمري في تركيا
كشف الإعلامي محمد الباز؛ تفاصيل إلقاء الشرطة التركية على الإخواني حسام الغمري رئيس قناة الشرق السابق، والتابعة للجماعة الإرهابية.
وقال الباز خلال برنامج "آخر النهار" المذاع على قناة "النهار": "حسام الغمري خرج مع اللي خرجوا وكان ماسك رئيس قناة الشرق وبعدين عامل برنامج وعلى صفحته خلال الأيام اللي فاتت بيطبق خطة بحذافيرها وهو المرشد الالكتروني لجماعة الإخوان الإرهابية".
وأضاف: "بيفبرك فيديوهات لناس موجودة في مصر ويقولك طالعين مظاهرات وبتاع وقالوا الناس طلعت بعد الماتش وجابوا فيديوهات قديمة وقالك الناس طلعت؛ قبلها بساعات كان تم القبض على حسام الغمري من أجهزة الأمن التركية وأدمن صفحته على الفيسبوك كتب قامت اليوم ظهرا الشرطة التركية بإلقاء القبض على حسام الغمري وانباء عن ترحيله".
وتابع: "دا يقولك إن حسام ده مش فرد غاضب مثلا دا في تنظيم بيديره؛ اتقبض عليه في تركيا لأن الراجل بيحرض على دولة وبيحشد الناس بالباطل والفبركة؛ الفيديوهات اللي بيحطها أي عيل صغير يدخل يعرف أنها فيديوهات مفبركة".
وواصل: "بعد القبض على حسام الغمري الإخوان وإعلاميين الإخوان قامت قيامتهم؛ عشان كل واحد منهم شاف مصيره ممكن يبقي أيه؛ حسام الغمري مخدش الجنسية التركية وفي أربعة تم رفض منحهم الجنسية التركية وعنده مشاكل في الإقامة وبتاع؛ لما يبقى واحد ضلالي بهذا الشكل وكاذب بهذا الشكل متعرفش هو بيعمل ايه رسالة لكل الإعلاميين اللي هناك أن النهاية قريبة والمصير واحد".
وأوضح: "كل واحد حرض على البلد هيتحاسب ليه لأن ده شعب عايز يستقر وعنده مشاكل بيحلها وشغال عليها وأنت بتخدعه بالأمور على غير حقيقتها".
وأشار الباز إلى أن جماعة الإخوان الإرهابية تعمل على صناعة الوهم موضحا أنهم يدعون الناس في الداخل إلى التظاهر وهم متواجدين في الخارج ويعيشون ويمتلكون الأموال والقصور.
واختتم: "في النهاية إذا حدث أي شيء الناس بتبقى ضحايا لأن الدولة دولة؛ يبقى هما قاعدين برة مبسوطين وعايشين وبيركبوا عربيات وعندهم حسابات في البنوك ويدفع واحد غلبان ينزل الشارع؛ مهو اللي هينزل الشارع دة هيتم التعامل معاه بالقانون؛ يبقي هو قاعد هناك في حياة منعمة وسايب الناس الغلابة هنا يتم التعامل معاه بالقانون".
