عمرو أديب ينتقد ارتفاع أسعار السلع: هتخربوا السوق والسلع مش هتتباع

عبر الإعلامي عمرو أديب؛ عن استيائه من ارتفاع بعض أسعار السلع وربط الأمر بقرار البنك المركزي بتحرير سعر الصرف مشيرا إلى أن التجار كانوا يتعاملون قبل قرار البنك المركزي بسعر مرتفع للعملة الأجنبية.

وقال أديب خلال برنامج "الحكاية" المذاع على قناة "أم بي سي مصر": "ليه الناس قررت مش هتتعامل بـ 23 جنيه خلينا نشوف رقم تاني وابتدينا نسمع قطاع ورا قطاع يرفع الأسعار مانت حاسب بـ 23 جنيه قبل كدة".

وأضاف: "طن الدقيق اللي كنت عاملة غالي دة على أساس ايه؟ كان على أساس أن الدولار بـ 23 جنيه طيب الدولار النهاردة بـ 23 جنيه أنتوا بتخربوا السوق محدش هيشتري حاجة ومحدش هيبني حاجة".

وتابع: "أنا بقول إن العلاقة طردية مع الدولار طيب النهاردة بيزيد ليه طيب أنت بترفع الأسعار ليه؟ ابتدا الناس اللي بتبيع حاجات تحس أن الناس ابتدت تقلل الكميات؛ هو العدس يزيد ليه؟ يبقي بـ 65 كيلو ليه ايه في مدخلاته بالدولار ليه العدس يزيد؟".

وواصل: "اللي بيجرا تخريب للسوق والدولة قررت تواجه الأمر بدوا مر يعني اللي حصل ميفرحش حد؛ لكن في ناس مبسوطة أنت لو من المصدرين أنت مبسوط وسعيد ولو في البورصة أنت مبسوط وسعيد والشيء الغير مباشر اللي هيحصل أن في مستثمرين هيبقي موجودين".

وأوضح: "الدولار هيزيد تاني؟ معرفش طيب هل الارتفاع دة هيطلع لغاية فوق وينزل تاني؟ معرفش محدش مختلف أن الدولار هيزيد ولكن محدش بيتكلم هو بكام؟ سعره الحقيقي كان وهو دة اللي هيبان الأسبوع الجاي".

وواصل: "أنا بقول للناس كلها أن اللي بيجرا دة افترا والناس اللي بتقولك إن دا السعر العادل للدولار دي بهدله والبهدلة مش على المستهلك بس دي جمعاء وكلنا هنتبهدل وأي حد مش هيلتزم بالسعر الحقيقي للدولار مش هقول للناس اتقي الله والكلام دة لكن محدش هيشتري".

وذكر: "كوريا الجنوبية من تلات أيام كشفت للعالم عن مخزون المصانع والمخازن؛ البضائع والسلع موجودة مبتتباعش ابتدا يبقي في كساد وأول ما يكون في كساد أن الناس اللي عندها مصانع هتبدأ تقف لكن في ناس حياتهم ممكن تتحسن زي اللي شغالين في السياحة والمصدرين".

واختتم: "بشكل عام أي حد بيفكر فيك برة مستثمر أو جاي يشتري سندات بقي خلاص عارف هو الدولار عندك بكام وهو بكام الأسبوع الجاي كله هتشوف وفي ناس قالتلك بس أنا سعري النهاردة كذا وأنا زودت أسعاري وأنا بقولك محدش هيجي وحاجات كتير هتقف".