أحمد موسى يرد على الإرهابي طاهر الشرقاوي بتسريب صوتي جديد
رد الإعلامي أحمد موسى على الإرهابي الهارب بالولايات المتحدة طاهر الشرقاوي والذي اتهمه بالكذب ونفى ما أعلنه موسى خلال برنامجه أن الشرقاوي يدعو إلى اقتحام اقسام الشرطة ومديريات الأمن.
وقال موسى خلال برنامج "على مسؤوليتي" المذاع على قناة "صدى البلد": "إرهابي قاعد في أمريكا اسمه طاهر الشرقاوي أحد الإرهابيين الخونة الهاربين قلنا دي دعوة تصدر من جماعة الاخوان الإرهابية؛ طلع امبارح وقالك أتحدي أنه يجبلي فيديو أنا قلت فيه روحوا خدوا أقسام الشرطة ومديريات الأمن هسمعكوا قال ايه الأول لأنه كاذب واتكلم عليا؛ هسمعكوا قال ايه عني عشان نوريكم شرهم وواحد كمان هيكون مفاجأة".
وعرض موسى تسجيلا صوتيا للارهابي الهارب يهاجمه خلاله وجاء فيه: "انت ادعيت أني بحرض الناس تدخل مديريات الأمن واقسام الشرطة اية اللي حارقك في أن الخلافة ترجع تاني؛ ادعيت كذبا أن معاك مقاطع ليا لو جبت أي مقطع فيه أني بقول للناس هاجموا أقسام الشرطة أو مديريات الأمن أو الكلام دة يبقى أنت صادق".
ورد موسى: "أنا قلتلك عندي على التليفون هو أنا كنت بهزر مثلا؟ هتعرف أن انتوا ازاي أكاذيب مستمرة ولما احنا نطلع نتكلم نتكلم بصدق وعن حق باذن الله اسمعوا هذا الكاذب الإرهابي وهو يتحدث عن اللي عايزين يعملوه في دعواتهم الفوضوية أنا بقول للناس جماعة الاخوان الإرهابية هدفها تهد الدولة عشان الخلافة بتاعتهم التي لن تحدث".
وأذاع موسى تسريبا أخر للإرهابي الهارب وجاء فيه: "حراك 11-11 لازم يسيطر على كافة مؤسسات الدولة وكل أقسام الشرطة وكل مديريات الأمن وينجح في حصار القوات المسلحة ويسيطر على المؤسسات الموجودة في المؤسسة العسكرية".
وأوضح: "قلت والا مقلتش؟ يبقى احنا عندنا مصداقية وعندنا الصدق حتى لو كنت إرهابي لا يمكن أن نقول إلا الصدق؛ هو دة مش تحريض وانت قاعد في أمريكا وبتتكلم عن الشرطة والقوات المسلحة؛ لا يمكن يكون عندهم شجاعة هو دة الموضوع هدم المشروع هما عايزين البلد دي يجيبوها أرض دي دعوة واضحة صريحة للارهاب والقتل".
واختتم: "هو أنت رايح مديرية الأمن ازاي رايحها مسلح والا مسالهم؟ هو أنتوا رحتوها ازاي في 2011 مش رحتوها بارهاب وعمليات اغتيال؟".
