أحمد موسى يعرض تسريبا للإرهابي طارق الشرقاوي يكشف أهداف دعوات التظاهر
عرض الإعلامي أحمد موسى؛ تسريب صوتي للإرهابي طاهر الشرقاوي عضو جماعة الإخوان الإرهابية والذي تحدث فيه عن أهداف الدعوات التي أطلقتها جماعة الإخوان الإرهابية للتظاهر.
وقال موسى خلال برنامج "على مسؤوليتي" المذاع على قناة "صدى البلد": "المواطن المصري والمواطنة المصرية تبقى عارفة جماعة الإخوان الإرهابية عايزة ايه منكم؟ عايزة ايه من بلدنا ومن مؤسساتنا؛ قالك اسقاط المؤسسة العسكرية والشرطة والقضاء قالك الخلايا موجودة والسلاح موجود دي ناس مجهزة نفسها وما حدث من قبل شغالين عليه".
وأضاف: "أنا بقول للمواطن عشان يبقي عارف وشايف مش هما شغالين؟ أنا بوريك الجانب الأخر والأخطر؛ عرضت الإرهابي أبو اسلام من كام يوم لما بيقولك استاذية العالم والخلافة؛ في إرهابي تاني اسمه طاهر الشرقاوي وهو الدراع اليمين لارهابي اسمه محمود فتحي وهو هربان في أمريكا".
وتابع: "مش هما بيقولوا مش عايزين حكم ولا السلطة؟ الإرهابي طارق الشرقاوي اللي قاعد في أمريكا أيضا بيتكلم عن ايه؟ الاخوان ودعواتهم اسمعوه".
وأوضح: "احنا داخلين على بداية الخلافة ولو متحركتين عشان نرجع الخلافة هتلبس في الحيطة؛ 11/11 هو رمز الموضوع مش موضوع أكل وشرب الموضوع موضوع دين وعقيدة غصب عننا؛ اللي جاية جهاد لا هوادة فيه بس يبدأ بالرجال؛ رجال تسطر على مفاصل الدولة في أقل فترة ممكنة".
وواصل: "دا الإرهابي طارق الشرقاوي بيتكلم بوضوح عن بداية الخلافة وحكم جماعة الإخوان الإرهابية؛ والرئيس امبارح أتكلم عن الإسلام السياسي وصدروا الدين وهما دلوقت بيقولك ايه؟ بيتكلم عن الدين والعقيدة ويستخدم الدين لخدمة هدفه وبيتكلم عن الدين عشان غرض الكرسي بتاعه".
وأكمل: "اللي انت تعملوا في التوقيتات اللي قالك عليها بداية الخلافة لحكمهم عشان يقولك تعالى معانا؛ هو مبيدافعش عن الدين هو بيستخدم الدين للوصول إلى الحكم؛ هو دافع عن الإسلام لا لكن دافع عن الجماعة؛ احنا بندافع عن الدين لأننا عارفين ربنا وهما ميعرفهوش لأنهم بيقتلوا ويعملوا فوضى ودعوات لاسقاط البلد وقتل الناس".
واختتم: "هو أتكلم على الخلافة والدين ومفاصل الدولة؛ الموسسات والأجهزة والمحافظات والمحليات ونقاط الشرطة والمراكز ومديريات الأمر؛ مفاصل الحكم بيتكلم عليها أنا بعرض دة عشان المواطن من بدري يكون عارف وهدفهم هدف واحد الحكم وخراب مصر وأنهم يرجعوا مرة تانية بقوة السلاح اللي اتكلموا عليها".
