السيسي عن الإسلام السياسي: لما وصل للحكم البلد فكت.. وتسبب في موجة من الإرهاب في 2013

تحدث الرئيس عبد الفتاح السيسي، عن الإرهاب الذي شهدته الدولة المصرية خلال السنوات الماضية، قائلا: "حد يقولي أحداث 2011 و2013 السبب.. آه لأنها أتاحت الفرصة للإسلام السياسي.. لما وصل وفشل مش اعترف بالفشل.. ابتدي يحمل الدين إننا ضده.. إننا ضد الدين.. وبعدينا استعدنا كلنا.. وبيطلب بالمصالحة". 

وأضاف الرئيس السيسي، خلال كلمته بالمؤتمر الاقتصادي: "لغاية دلوقتي لو جيت الفرصة مش هيستني.. أنت كإسلام سياسي عندك تمييز في فكرك أنك الأصح.. ولما وصلوا للحكم.. البلد فكت بقي وضربوا الأقسام والمديريات.. وخطف السيارات.. ولما اتحلت المسائل.. هل التمن ادفع من جانب الدولة وشعبها.. أرجو نحط ده فى الاعتبار.. ده مسار ماشين فيه مع بعض.. لا تنتهي التحديات لأي دولة في العالم".

وتابع: "جاءت أحداث 2011 و2013 لتقضي على ما تبقي.. وكادت أن تقضي تماما على حاضر ومستقبل هذه الأمة.. الحقيقة الفترة دي كانت كاشفة وربنا نجا البلد من مصير صعب.. أنتوا بتتكلموا بعد ما عدت.. بقالنا 8 سنين كان فيه إرهاب وتفجيرات في الكنائس والمنشأت الحيوية".

وأكمل الرئيس السيسي: "لما بدأت تروق يتقال تعالي ورينا عملت إيه.. كان ممكن اخليه مسار اقتصاد حرب.. بنحارب بقي والميديا تشتغل اللى بيحصل.. وأي حادثة واحدة كانت البلد بتحزن عليها.. ولا ناسينا".

وزاد أن "حجم الثقة في قدرة أجهزة الدولة على إيجاد مسار ناجح وسط خيارات صعبة تتطلب عملا صعبا وشاقا ومستمرا لم يكن متوفرا في ظل جهود الإسلام السياسي المستمرة في التشكيك والتشويه، وأحيانا التخريب".

وأكد الرئيس السيسي أنهم "لم يكن لديهم مشروع أو خارطة طريق حقيقة لإعادة بناء الدولة.. وما حدش يزعل من اللى هقوله.. غياب الرؤية من جانب الكثير من المثقفين والمفكرين والمهتمين لحجم التحديات المطلوب مجابهتها".