«لها عندي معزة خاصة».. أبرز تصريحات حسام حبيب عن شيرين عبد الوهاب
تصدر الفنان حسام حبيب محركات البحث على جوجل، وذلك عقب تصريحاته مع الإعلامي عمرو أديب في برنامح الحكاية على قناة «أم بي سي»، حول أزمة شيرين عبدالوهاب.
ويرصد «الرئيس نيوز» أبرز تصريحات حسام حبيب كالتالي:
- حلقت شعرها عشان تجبر نفسها على انتهاء علاقتنا، بقسوتها على نفسها وعليا، ولكن معرفتش تتخلص من حبي ده.
- أطلقنا أنا وشيرين بسبب life sytel مينفعش أنا أكون مش بشرب سجاير وكل الناس اللى حواليا بتشرب.
- الطلاق حصل بورق ولكن الرجوع بعدها مكنش بورق.
- عمري ما قولت لـ شيرين أنتي تخينة أنا اتكلمت مع واحده صاحبتها وقولتلها أنا بوظت شيرين، أنا سكوتي ضرها بقيت أسكت على موضوع أنها لازم تخس، أنها لازم تاخد بالها من صحتها.
- أهلها ليه ماخدوش الخطوة دي من بدري ليه؟ أنت شايف إنها بحاجة للرعاية الصحية اشمعنا عملت كده بعد البيان.
- الست دي ليها عندي معزة خاصة.
- شيرين قالتلي أنت اتظلمت ومن شيم الأدب والاحترام إن أردلك كرامتك قدام الناس
- قولتلها أنا اللي يردلي كرامتي قدام الناس أثبتي للناس أن علاقة حسام لشيرين مش مضرة.
- أنا اتنازلت عن عربيتي وشيرين جبتهالي وقالتلي دي حقك، قولتلها أنا مش هركبها، ولما أخدتها كان كيد عيال، وكانت باسمي.
- شيرين لو كانت شايفه إني إنسان توكسيك زي ما الناس بتقول كانت قفلت العلاقة دي زي غيرها.
- قولتلها أكتر حاجة ضراني أن الناس بتقول على علاقتنا توكسيك وإني بضرك.
- منين سبب طلاقنا أنا وشيرين بسبب الحالة اللي هي وصلتلها ومنين أنا بعمل زيها لا يمكن دا أصلا سبب خلافنا.
- اللي عايز يدمر شيرين شخص قالي في يوم أنا معايا توكيل رسمي منها وهحجر عليها.
- نأبكم هيطلع على شونه لأن إحنا مأمنين كل رصيدها لبناتها بره مصر بشكل كامل، وخططكم هتفشل، مش هتنجح.
- قولت لشيرين انتي معندكيش ولد انتي عندك بنات.
- أخوها بقاله سنتين مبيكلمهاش دلوقتي بقي خايف عليها!
- الليلة اللي أخدوا فيها شيرين من البيت للمستشفى أخوها كان شايل مطواه ومعاه الدكتور، مسحوله ونازلة حافية.
- وقت ما أخدوا شيرين للمستشفى بقت عماله تصوت وتقول الحقني يا حسام حاولت أنهم يصبروا عليها أو امنعه من الطريقة دي وإن ده يتم بالعقل والهدوء.
- شيرين وقت ما أخدوها للمستشفى بقت عماله تقوله أنا شيرين عبد الوهاب يتعمل فيا كده! أنا اللي عالجتك لسنين تعمل فيا كده!
- وقت ما أخدوا شيرين كنت أنا وهي واتنين أصحابنا والبنت اللي شغالة معاها.
