حسام حبيب يرد على اتهامه بمساعدة شيرين على تناول المخدرات

أكد المطرب حسام حبيب؛ أنه كان يساعد زوجته السابقة؛ الفنانة شيرين عبد الوهاب على تنظيم حياتها وإبعادها عن بعض المحيطين بها والذين حاولوا استغلالها.

وقال حبيب في مداخلة هاتفية مع برنامج "الحكاية" المذاع على قناة "أم بي سي مصر": "أنا كنت مصمم أنها تغير أسلوب حياتها وأن المحيط الموجود حواليها لازم يتغير؛ بقيت واحد ضد ألف؛ بعديها بشوية أتصالحنا ورجعنا كأزواج بس مكانش حد عارف غير أهلها وأهلي؛ الطلاق حصل بورق والرجوع كان من غير ورق

وأضاف: "منين أنا مستغل ومنين مش عايزها تشتغل أو تتخن؛ وعمري ما قلت لشيرين أنها تخنت؛ أنا لو كنت بقولها انتهي بتتخني كان ممكن يفيدها ميضرهاش وبقيت في الأخر بسكت حوالين أنها لازم تخس وتاخد بالها من صحتها".

وتابعت: "أنا مكنتش في حياة شيرين أصلا في الشهور الأخيرة أصلا؛ أنت شايف أنها محتاجة عناية نفسية وصحية له مخدتها عالجتها قبل بيان الصلح؟ والصلح كان مبني على الصداقة فقط؛ أنا بحب شيرين جدا وبعذرها في كل حاجة ومطلعش مني تصريح واحد ضدها ومش عشان أبرأ نفسي أورط شيرين".

وأوضح: "شيرين جابتني في البيت اللي فيه والدتها وجابت والدتها وقالتلها أننا أتصالحنا والست قالتلي أن جاي تأذي بنتي وأنا قلتلها أزاي وهي اتصلت بيا وقالتلي أنا ممكن أرد كرامتك قدام الناس وأصلح اللي حصل".

وعن قضية السيارة التي أثيرت يعد الطلاق: "أنا تنازلت عن عربيتي؛ شيرين قالتلي في كذا اتفاق اتعملوا كبار وقالتلي أنت لازم تاخد نسبة وأنا رفضت وقلتلها دا واجبي وطلعنا برة قالتلي العربية دي من حقك وأنا لما خدتها خدتها عند عيال عشان أغيظها وشيرين لو شايفه أني بني أدم سام كانت قفلت الصفحة دي وقالت يغور بـ 100 عربية".

وواصل: "العربية رجعت قبل البيان بكتير وهي منزلتش البيان وحد من اللي حواليها أخد العربية وقالها أنا هديلك بدالها شغل وهي لما لقت الموضوع كدة كلمتني وقالتلي أنا عرفت أنت كنت صح وأن أنا هعوضك وأنا قلتلها وري الناس أن أنا مش وحش".

واختتم: "أهلي يمتلكوا أكبر المستشفيات في مصر هل لو أنا باخد مخدرات هيسبوني كدة عادي؟ منين أن سبب طلاقنا حاجة زي كدة ومنين بساعدها على كدة؟ لا يمكن أكون السبب أنا مش عايز أدخل نفسي في مشاكل شيرين عندها لسان وهي هتقول الحقيقة".