شقيق شيرين عبد الوهاب يفجر مفاجأة: حسام حبيب وشقيقتي يتعاطيان المخدرات

كشف محمد عبد الوهاب، شقيق الفنانة شيرين عبد الوهاب، أن شقيقته وطليقها حسام حبيب يتعاطيان المخدرات، قائلا إنه نقل شقيقته إلى مستشفى لعلاج الإدمان.

وقال عبد الوهاب في مداخلة هاتفية مع برنامج "الحكاية" المذاع على قناة "أم بي سي مصر": "نواجه عصابة مكونة من حسام حبيب وسارة الطباخ وأنا لا ضربتها ولا اعتديت عليها كما قالوا؛ شيرين انضحك عليها من حسام حبيب والمحامي".

وأضاف: "شيرين وحسام حبيب اتصالحوا قضائيا وأعادوا السيارة بتوكيل ويمكن أن يعود فيه وهي تنازلت على القضايا شيرين كانت مأجرة شقة في التجمع وهي دي الشقة اللي رحت جبتها منها ولقيتها وحسام حبيب بيتعاطوا مخدرات في شقة التجمع".

وتابع: "المتخصصين في المستشفى أخدوها وأنا عارف بموضوع المخدرات من فترة؛ والدتي قالتلي روح أنقذ اختك من حسام.. أنا دخلتها المستشفى دخول الزامي لانها غير مؤهلة ولازم تتعالج ومدير المستشفى في النيابة العامة قال إن المريضة تستدعي العلاج بالإلزام وأنا موقفي القانوني سليم؛ والدتي عندها 80 سنة ومش هتكدب في أي كلام".

وأكمل: "أنا موقفي القانوني سليم ولو رقبتي هتطير مش هخرج أختي الا لما الطب يقولي أنها اتعالجت وأنا مش هسيب اختي ألا لما تبقى كويسة وهي طلعت وقالت خسرني أختي وأمي؛ أنا لما رحت شقة التجمع لقيته وهو اعترض ومحدش اعتدى عليه وأنا ممدتش أيدي عليها خالص واحنا قولنا إنها وقعت على السلم وقلت كدة عشان كان عندها حفل في الكويت".

وذكر: "حسام حبيب وسارة الطباخ خدوا الإعلام والصحافة وراحوا قدام المستشفى في ناس مش عايزينها تتعالج ولا عايزينها تبقى كويسة مدير المستشفى أمام النيابة العامة معاه كل الأوراق اللازمة اللي توكد أنها تحتاج للعلاج، لو أخر نفس في عمري مش هيسيب أختي ألا لما أخرجها لجمهورها".

من جهتها كشفت والدة الفنانة شيرين عبد الوهاب أنها طلبت من شقيقها أن ينقذها مما تتعرض إليه موضحة أن طليقها حسام حبيب يسعى إلى تدميرها.

وأوضحت: "أنا بنتي بقالها 3 أيام بتشرب وطلعت اتخانقت معانا وطردتني وطردت اختها؛ أنا علاقتي بيها كويسة ولكن طليقها مبيخليش حد جنبها".