حرض على غير المحجبات.. قصة «إبراهيم مقص» التي أثارت جدل السوشيال ميديا
أثار تعليق لشاب مصري يدعى إبراهيم خليل يسخر فيه من غير المحجبات جدلا واسعا على منصات السوشيال ميديا.
وفي التفاصيل، كتب «خليل» معلقا على «فيس بوك»: «لو كل واحد مننا اشترى مقص وقابل أي واحدة كاشفه شعرها، قام قصص لها شعرها مش هتلاقى ولا واحدة من غير حجاب».
تعليق إبراهيم لاقى استهجان كبير من رواد السوشيال ميديا وتم انتقاده على نطاق واسع، وتداول خلال الساعات الماضية أنباء تفيد بترحيل الشاب من دولة الإمارات والقبض عليه بتهمة الإساءة لغير المحجبات.
وقالت إيناس صقر، إحدى رواد موقع فيس بوك: «فاكرين الأخ إبراهيم خليل الشهير إبراهيم مقص.. تم فصله من عمله في الإمارات.. وأخد إبعاد من الدولة.. ونزل مصر اتقبض عليه واتحقق معاه في المطار.. ولسه فيه محاضر متقدمة ضده في النيابة العامة».
وأضافت: «الأخ إبراهيم طالع يقول أنا كنت بهزر بس هو عشان غبي مش فاهم إن اللي كتبه ده تحريض وجريمة يعاقب عليها القانون.. والإمارات ما بتهزرش في الكلام ده وبتاخد رد فعل فوري وشديد.. شكرًا للبنات اللي قدموا فيه بلاغات أون لاين في الإمارات.. وشكرًا للبنت الجدعة اللي قدمت فيه بلاغ للنيابة العامة المصرية».
وبحسب أنباء متداولة عبر مواقع التواصل الاجتماعي فقد قامت الإمارات بترحيل المصري إبراهيم خليل إلى مصر بعد تحريضه بالعنف على غير المحجبات.
وكتب إبراهيم خليل منشور على فيس بوك: «الموقف اللي أنا فيه علمني بعد كده أخد بالي من كل كلمة بقولها ومن كل كلمة بكتبها أنا حقيقي في كرب شديد وكنت بهزر».
