تامر أمين لمحمد رمضان: "سلطة مين الجامد أوي اللي لغالك الحفلة؟"
علق الإعلامي تامر أمين؛ على إلغاء حفلتي محمد رمضان في سوريا والإسكندرية ورد فعله على قرارات الإلغاء والذي عبر عنه على صفحاته بمواقع التواصل الاجتماعي.
وقال أمين في مداخلة هاتفية مع برنامج "أخر النهار" المذاع على قناة "النهار": "كلمتكم عن محمد رمضان وقلتلكم أنه عبقري وموهوب في إثارة الجدل؛ هو عنده القدرة على التواصل في إثارة الجدل بشكل يومي؛ شوفتوا الغاء الحفلة وواقعة الغاء حفلته في سوريا وبالتالي الحفل اللي كان بيقول بكرة اتلغى".
وأضاف: "قوم عمل ايه؟ يسكت محمد؟ لا ما يسكتش؛ لما اتقال أن اسكندرية لا ترحب بك قام واخد نفسه ورايح وقعد على القهوة وحصل كلاش وبعدها حصل موضوع سوريا فبقى شكلها وحش يسكت محمد ميسكتش؛ يقوم منزل بوست على صفحته بيقول: "عندك سُلطة تلغي حفلتي، عندك سُلطة تهد بس معندكش ع الأرض محبتي ولا عندك عزوة بجد، دي ليلة بـ10000 حفلة، اللهم ديمها نعمة".
وتابع: "اية بقي الليلة؟ هو الفيديو اللي منزله مع البوست؛ العربية وهو سايقها وهو فيها ومصور أن الشباب زي مانتوا شايفين مغطي العربية ومش سايب فرصة نشوف حاجة جواها وناس بتهتفله يعني ودا الموكب في أحد شوارع وسط البلد".
وواصل: "هو دة محمد رمضان؛ شئتم أو أبيتم أنا بعرض بس شخصية الشخص اللي بنتعامل معاه مبيحبش يخسر جولة وأن خسر بيجري بسرعة ويحاول يقلب الطرابيزة عشان يبين أنه كسب الجولة اللي بعديها؛ هو بيحتمي بالشارع وبيخلي الشارع سنده ويقولك أدي الناس اللي بيحبوني وبيكبروني".
وأوضح: "احنا بننكر على محمد رمضان أنه قاعد على السقطة واللقطة كدة وأنه مركز في السوشيال ميديا من غير ما يخلي أعماله تقول أنا جامد؛ طول الوقت مركز أنه يقول أنا جامد أنا عمري ما طلعت وقلت أنا الإعلامي رقم واحد لأن دة مش دوري".
واختتم: "أنا أحاول أثبت لكم أن أنا جامد بشغلي؛ وفكرة أن أنا نمبر وان وأن أنا ملك الملوك هي الفكرة دي حد حصلة واقعة زي الأسبوع اللي فات لو حصلتلي أنا لازم أفكر محمد ميعملش كدة يقولك طيب أنا هوريكم الناس بتحبني ازاي وبعدين سلطة مين الجامد أوي اللي يلغيلك الحفلة هنا وفي سوريا؛ تاني مرة بقول لمحمد أنت نجم كبير وموهبة كبيرة أوعي تضيع موهبتك بأيدك".
