عمرو أديب: ضم روسيا 4 مناطق أوكرانية يؤثر على مصر
أكد الإعلامي عمرو أديب؛ أن ضم روسيا لأربعة أقاليم أوكرانية سوف يؤثر على مصر كما يوثر على العالم بأكمله، مشيرا إلى أن الحديث حاليا عن حجم التأثير.
وقال أديب خلال برنامج "الحكاية" المذاع على قناة "أم بي سي مصر": "الناس دي عشان ترجع الأربع قوانين دول لازم تجيبه على الأرض الأربع مواقع دول مش راجعين تاني؛ وقال حاجة ضحكتني الأن نستطيع أن نتفاوض".
وأضاف: "الراجل خد الأربع أقاليم دي وهضمها هضما كاملا وأي هجوم على الأربع مواقع دي هجوم على روسيا ومن نص ساعة راحوا يعملوا قرار في مجلس الأمن راح المندوب الروسي الجميل اللي هناك رفع أيده فيتو والقرار لم يتم تمريره وفي أربع دول امتعنت عن التصويت وحتى العالم معرفش يعمل قرار ادانه".
وتابع: "بايدن قالك أنا رافض والاتحاد الأوروبي قالك مش هنعترف بالكلام دة وكل الكلام دة ولا ليه لازمة؛ والنهاردة زيلنسكي قدم طلب أنه عايز يدخل الناتو؛ أيه الفكرة؟ أيه الفايدة والوضع اللي حاصل دلوقتي وضع متمسمر يمكن ناس كتير مش حاسة بالتاريخ".
عمرو أديب: ضم روسيا 4 مناطق أوكرانية يؤثر على مصر
وأوضح: "النهاردة اللي حصل تاريخ واحد ضم قريب 20% من دولة أخرى في أقليم منهم فيه 70% من ثروات أوكرانية وواحد بيطل على البحر الأسود؛ أربع حتت متقطعين لوز".
وأكمل: "الموضوع دة يؤثر علينا؟ الإجابة باختصار نعم أنما مدى التأثير قد اية وتعقيد الوضع النهاردة يخلي الموضوع يمتد أطول وأطول؛ أنت كان مرادك أيه كمصر؟ وهتكلم عن مصر لأن كل دولة ظروفها مختلفة أنت النهاردة داخل في وضع أن الموضوع دة مطول ومعقد وصعب".
وواصل: "أنت كان أملك أن أردوغان يجيب بوتين وزلينسكي ويقعدهم على بحر مرمرة ويأكلهم شاورما وأنت اية اللي مزعلك مني ومع السلامة؟ النهاردة روسيا تم المراد بتاعي؛ النهاردة مش عايزة حاجة تاني من الحرب بقي عندهم منطقة عازلة وأوكرانيا مدخلتش الناتو".
وأوضح: "دلوقت حدوده مبقتش حدود روسية وحدوده بقت داخل أوكرانيا وطبعا هما عندهم كلام أن دي أرضهم التاريخية وأنهم بيصححوا الوضع التاريخي؛ وانا بتفرج قالك إن مجلس الأمن من أهدافه أنه يمنع ضم أي أرضي بالقوة نعم؟ فكرتني بالذي مضى ما كان عندنا أرضنا اللي راحت".
واختتم: "بوتين أداهم لحد المثلية الجنسية وقالهم أنا مش عجبني اللي بتصدروه للعالم وكده أحنا بنتكلم يا باشا أن المشوار بقي طويل وأن الحدوته هتطول".
