أحمد موسى يكشف عن زيارة 48 من رجال الأعمال الكويتيين إلى مصر

أكد الإعلامي أحمد موسى؛ أن الدولة قامت بإنشاء البنية التحتية في كافة أنهاء الجمهورية من أجل التنمية ودعوة القطاع الخاص من أجل الاستثمار في كافة المناطق.

وقال موسى خلال برنامج "على مسؤوليتي" المذاع على قناة "صدى البلد": "وصلنا المالية والكهرباء والاتصالات؛ أتفضلوا؛ سينا وجنوب الصعيد والفيوم والعوينات؛ أعملك البنية التحتية واتفضل تعالي والرئيس عمل اجتماعات النهاردة مع القطاع الخاص".

وأضاف: "البلد تستاهل أننا نفتح مصانع في كل مكان؛ أحد رجال الاعمال الشباب قالي خلال 3-4 شهور هفتتح مصنع وهتشوفوه؛ اللي معاه لو مش عارف أن البلد دي فيها عائد كبير مش هيشتغل".

وتابع: "زميلنا حمدي رزق قالنا خبر أمبارح أن في 48 من أكبر رجال الاعمال الكويتين جايين مصر عشان الاستثمار؛ عشان الصناعة عشان الفرص اللي موجودة في مصر؛ الشركة حاليا تاخد تأسيس في يوم حسب كلام رئيس هيئة الاستثمار".

وأكمل: "أنت عملت تعديلات وإجراءات وحسنت أكتر وكل الناس ما تشوف الكلام الإيجابي بيجيلك والكلام واضح ودة توجه الدولة وهنا الدولة عاملة ده؛ دا ملف بيوفرلك كل حاجة؛ عندك استثمارات النهاردة زي ما قال رئيس هيئة الاستثمار ما بين 9-10 مليار دولار وكل دة يعود على المواطن في الاخر دا رايح لحضرتك بيوفرلك فرصة عمل وبجيب لك السلعة بسعر أقل".

وواصل: "لما كنا في الصين رحنا شوفنا المصانع الصغيرة عيلة مع بعضها كدة بيعملوا البراند الفلاني؛ الصين بيعملك حاجة تبيعها بدولار وحاجة بـ 100 دولار؛ محتاجين كلنا نشتغل في هذا الملف؛ كل واحد في الملف بتاعة".

وأوضح: "الرئيس بيقولنا رقم فيما يتعلق بالقطاع الخاص؛ 75% من المشروعات بيعملها القطاع الخاص والشركات اللي بتعمل في المشروعات السكنية في مصر 200 شركة منهم 3 شركات حكومية فقط؛ محدش يجي يقولك القطاع الخاص مبيشتغلوش الدولة واخدة والقوات المسلحة واخدة؛ دا نموذج واحد بس".

واختتم: "أي مصانع بتتعمل أو مجمعات بتتعمل مين اللي بيعملها؟ هل القطاع الخاص أنت عايزه والا مش عايزه؟ مديله دور هائل؛ القطاع الخاص مشكلة 25 مليون؛ الحكومة مشكلة كام؟ 5 مليون؟".