عمرو أديب يعلق على طرح شركتي "وطنية" و"صافي" في البورصة

علق الإعلامي عمرو أديب عن الأنباء المتداولة بشأن طرح شركتي وطنية وصافي التابعتين لجهاز الخدمة الوطنية بالقوات المسلحة في البورصة.

وقال أديب خلال برنامج "الحكاية" المذاع على قناة "أم بي سي مصر": "عندنا شركة اسمها شركة وطنية؛ ومفيش مواطن مصري ميعرفهاش كويس؛ وأغلب محطات البنزين حاليا إما وطنية أو شيل أوت والاثنين تابعين لنفس الجهة".

وأضاف: "المشروعين دول كبروا أوي؛ وطنية في كل مكان والسنادي في الساحل في طول الساحل يا وطنية أو شيل أوت وتوسع كبير سريع وهما مشروعين كبار".

وتابع: "الكلام الأن أنه بيتم الاعداد لطرح جزء من وطنية اللي تملك ما يقرب من 200 محطة بنزين؛ هي طبعا ناجحة أنا معرفش الميزانية بتاعتهم عاملة ازاي".

وأوضح: "شيل أوت على الجانب الأخر كمية إيجارات غير طبيعية؛ عدينا مرحلة محطة البنزين اللي تدخل تمون فيها لمحطة البنزين المركز واضح جدا بردو أنها كان عندها القدرة تتوسع توسع كبير".

وواصل: "إحنا بنتكلم عن ثروة تقدر بمليارات وفي هذه الأيام الكلام عن بيع جزء من شركة وطنية وجزء أيضا من صافي اللي عندهم الماية والزتون ومنتجات غذائية بتاع جهاز الخدمة الوطنية للقوات المسلحة".

وأكمل: "أنا من الناس المتحمس لخروج الدولة من المشروعات ومشروع زي دة ليس فيه خطورة على الأمن القومي لأن البنزين أنت اللي بتستورده وبتسعره؛ الدولة دي مش صرفت؟ الجيش مش صرف فلوس واستثمر استثمارات؟ لما بتحط جزء من البورصة أنت بتتخلي عن 20% من ملكيتك وتجيب بيها كل الفلوس اللي صرفتها".

واختتم: "أنت شايف قدامك شركتين ناجحين ولما تنزل البورصة هيبقي في افصاح بقي وأنا نفسي كمان أن يدخل معاهم تشيل أوت كمان لأنها عاملة إيجارات واستدامة وكل محطة فيها 20-40 محل وعملوا فكرة انهم يجيبوا مستثمر يدوله الأرض ويقولوله أجر أنت وإحنا عايزين مبلغ معين".