الطفلة سيلين تتصدر تريند «تويتر».. وهنيدي يدعمها ويطالب بالتبرع لعلاجها
تصدرت الطفلة «سيلين» التريند الأول على «تويتر» تحت هاشتاج «#انقذوا_حياة_سيلين»، حيث طالب مغردون بالمساهمة في إنقاذ الطفلة.
وكتب الفنان محمد هنيدي في تغريدة له على تويتر داعما للطفلة: «العسل دي اسمها سيلين مصابة بمرض صعب جدا، وحالتها بدأت تسوء جدا».
وأضاف: «الأيام الجاية ممكن تنقذ حياة سيلين لو مش هتعرف تتبرع شارك في الهاشتاج واعمل ريتويت واكتب عن سيلين في حسابك ده ابسط شئ ممكن تقدمه عشان غيرك ممكن يقدر يتبرع.. حاجة بسيطة جدا ممكن تنقذ حياة».
وقال محمد مجدي على تويتر: «أنت مش هتنقذ طفلة بس، أنت هتنقذ أم وأب وعيلة كاملة، تخيل أم بتشوف بنتها كل يوم بتتألم من المرض، تخيل طفلة مفيش يوم بيعدي عليها غير وهي مُعرضة لأي وعكة.. شارك ولو بجنيه واحد، هيفرق والله».
وكتب محمد صقر: «عملناها مع رقية قبل كده ونقدر نعملها المرة دي مع سيلين.. لو عملناها هيفضل كل واحد فينا مهما كان دوره بسيط يقول لنفسه أنا ربنا جعلني سبب في إنقاذ حياة سيلين.. سيلين حياتها واقفة على الحقنة».
وكانت قد نشرت والدة سيلين فيديو للطفلة وهي تبكي من شدة الألم، وعلقت عليه، قائلة: «المشهد ده أنا بشوفه يوميًا والله العظيم وعمري، ما كنت حابة حد يشوفها وهى بتتألم ولا يشوف عجزها، وأنا قلبي بيتقطع عليها بحلم والله كل يوم شايفاها واقفة قدامي».
وتابعت: «أرجوكم أنقذوا سيلين دي صدقة جارية كل ما تمشي خطوة هخليها تدعي لكل اللي انقذها ياريت لو رجل أعمال أو شركة واحدة بس تدخل وتنقذ سيلين والباقي كله هيجي».
