إبراهيم عيسى يعلق على شائعات المصالحة مع الإخوان بعد زيارة الرئيس لقطر

أكد الإعلامي إبراهيم عيسى؛ أن جماعة الإخوان الإرهابية تريد أن تصور وكأن زيارة الرئيس السيسي إلى قطر بداية لمصالحة الدولة مع الجماعة وأن الدولة أصبحت هشة وقد تبيع مواقفها السياسية.

وقال عيسى خلال برنامج "حديث القاهرة" المذاع على قناة "القاهرة والناس": "هل مطلوب أن احنا نشعر أن الدولة المصرية قراراتها هشه بمعني أن زيارة أو اتصال أو عودة علاقة مع حكومة الدولة تعني أن الدولة تأخذ قرارات مصيرية لشعبها بلقاء".

وأضاف: "مجرد طرح فكرة المصارحة هو عايز يقولك إن مصر بلد هشة أو أنها بلد ذات احتياج اقتصاي عاجل فمستعدة أنها تموضع مواقفها السياسية بين قوسين الاخوان ممكن يقولوا إنها تبيع مواقفها السياسية مقابل المال".

وتابع: "بشكل يودي لاحساسك بعدم الثقة في مواقف دولتك بصرف النظر أنت من الموالين أو المعارضين وتقديم دولتك وبلدك وقرارها السياسي كأنه موقع مزايدة هو عايز يهين بلدك وأنت بتستجيب لكده لما تتعامل مع الموضوع على أنه موضوع للنقاش أو للطرح".

وأوضح: "على الجانب الأخر وكأنك كمان مش واثق من موقف الدولة من الاخوان وبصراحة أنت عندك حق خصوصا مجموعة الليبراليين وأنصار الدولة المدنية واللي بيواجهوا التطرف الديني؛ الرئيس السيسي هو الوحيد اللي بنسمع منه رفض للمصالح ولكن مش بنسمع من أي حد تاني من الدولة خالص عن الاخوان".

وأكمل: "مبنسمعش من الدولة خالص على الأطلاق أي كلام عن قضية الاخوان وكأنهم مش مسموح ليهم بالكلام أو كأنهم مش مؤمنين باللي هيقولوه أو كأنهم على طريقة اللي تؤمر بيه ياريس؛ الرئيس السيسي سأل أحد وزرائنا في المؤتمر الأخير نتصالح والا منتصالحش الراجل مردش خالص وكان الموضوع ميخصوش أو اللي تشوفه سيادتك".

واختتم: "دا اللي بيخلي الناس تناقش موضوع المصالحة لان الدولة في الحالة الراهنة مش شايفينها ذات قوة وصلابة في مواجهة الإخوان وأول ما الدولة فرقت بين الاخوان والسلفيين وأن الدولة أعلنت أنها ضد الأرهاب وكأنها أعلنت أنها ضد التنظيمات المسلحة وليست ضد الأفكار".