عمرو أديب يطالب الدولة بجذب الاستثمار الصناعي: بنستورد أستك الفلوس!
طالب الإعلامي عمرو أديب؛ الدولة المصرية
بجذب الاستثمار الصناعي إلى مصر ومنح المستثمرين التسهيلات اللازمة لإنشاء مصانع
السلع التي نحتاج إليها.
وقال أديب خلال برنامج "الحكاية"
المذاع على قناة "أم بي سي مصر": "أنا كدولة أروح أجيب رجال أعمال
أنا عارف ايه اللي ناقصني؛ أجيب رجال الاعمال وأعملهم تسهيلات وتبتدي أنت عارف أنت
محتاج أيه".
وأضاف: "لغاية دلوقت الاستيكية مستوردة؛
الطلبة بيجيبوا أربعين مليون أستيكة كل سنة هي ليه مستوردة ؟ أكيد اللي هيفتح
أستيكة في مصر هنا هيكسب؛ وايه العلم اللي فيها يعني داحنا قعدنا عمر الاستيكية
اللي نحية حمرا ونحية زرقا دي مقدسة".
وتابع: "أستك الفلوس بيجي من برة؛ البلد
فيها ملايين السيارات ومفيهاش إلا مصنع كاوتش واحد؛ لما قلت مفيش قالولي لو سمحت
لا في مصنع واحد".
وواصل: "أنا معرفش أجيب شركة كوري والا
ياباني والا صيني أيا كان نوعها تعمل كاوتش في مصر؛ أنا شاري فردة كاوتش من يومين
برقم مقدرش أقوله على الهوا".
وأكمل: "الدولة تيجي تقول يا جماعة أنا
عندي الحاجات دي هدي فيها تسهيلات غير طبيعية؛ عايز البلد اللي فيها ملايين
العربيات يكون فيها فردة كاوتش؛ كان عندنا مصنع نسر دة روحوا شوفوا المصنع فين".
واختتم: "هنا يأتي دور أنه يتعمل اعلان
واضح يا جماعة هذه أولوياتي؛ دي معلومات موجودة عن الدولة والسيد وزيرة التخطيط
ورئيس الوزراء".
