عمرو أديب يقترح تطوير المطارات المصرية واجراءات الدخول
طالب الإعلامي عمرو أديب؛ بتطوير المطارات
المصرية من أجل اجتذاب السياحة الأجنبية مشيرا إلى أن المطار يعد بوابة الدولة.
وقال أديب خلال برنامج "الحكاية"
المذاع على قناة "أم بي سي مصر": "امبارح كنت بتكلم عن السياحة في
مصر وأن مصر تستحق أكتر من كدة بكتير وحافظين مقومات السياحة المصرية وعظمتها ولكن
في أشياء ممكن تخلي الأمور أفضل".
وأضاف: "رأيي أن البوابة الأولى في مصر
وأهم حاجة فيها المطار؛ وأنا عايز أتكلم عن مطار القاهرة وعايز أقول لسيادة الفريق
محمد عباس وزير الطيران الجديد؛ أكيد دلوقت بيدرس ملفاته وبيشوف الوضع".
وتابع: "أي دولة
في العالم فيها سياحة مزدهرة لازم يكون فيها مطار عظيم؛ عايز تتكلم عن دبي أو
إيطاليا أو تركيا؛ يبدو أن السياحة العظيمة محتاجة مطار عظيم".
وواصل: "احنا محتاجين مش نبني مطار؛ لأن احنا بنينا مطار الأخير اللي
هو صالة 3 احنا محتاجين تطوير مطاراتنا أنها تبقي أحسن شوية في استقبال الناس؛
المطار هو نمرة واحد".
وأوضح: "أنت أول حاجة بتقابلك هي الجوازات؛ المطارات بتاعتنا هي
الوحيدة اللي الجوازات فيها مش متقسمة؛ برة بيقولك هنا حاملي جوازات كذا والتقسيم
دة مش تفرقة في العالم كله بيعملوا كدة والناس اللي بتقعد في المكان دة بيكون مختص
بالأجانب أو المصريين".
وذكر: "أنا لا أحلم بحكاية جواز السفر الالكتروني؛ هو جواز السفر
بتاعك أيه حاجة بتقدمها لحضرة الظابط يشوف أنك سالك والا مش سالك ودة أنت عشان تغيره
أنت محتاج بوابات الكترونية".
وأكمل: "وفي حاجة دايما بشوفها ألقى المواطن الأجنبي داخل على
الضابط في الجوازات فالظابط بيشاورله بابتسامة لطيفة كدة أنه يجيب التأشيرة والاهم
من كدة التأشيرة الالكترونية".
واختتم: "بعض السياح بيشتكوا أنه لما يجي ينزل بيدفع 25-30 دولار
تمن التأشيرة وبيقولك في إصرار أنه يكون كاش؛ عدد من دول الخليج بقي يقولك أنت لو
معاك شنجن أو معاك تأشيرة الولايات المتحدة فانت تدخل بدون تأشيرة".
