"عمرى ما هسامح نفسى".. آخر ما قاله قاتل أماني طالبة المنوفية قبل انتحاره
تداول رواد مواقع التواصل الاجتماعى فيديو ظهر فيه أحمد أبوعميرة قاتل أمانى الجزار طالبة المنوفية يتحدث فيه عن جريمته.
وقال قاتل أماني في القيديو: «أنا أحمد أبوعميرة اللى بتدوروا عليه، أنا المجرم، أنا اللى الكل اتهمه بالغدر والخيانة، أنا اللي معرفش يعمل الصح حتى مع نفسه، معرفش يكون أى حاجة، حتى البنى آدمة اللى كانت فى إيده مقدرش يدافع عنها ولا يحوش عنها».
وأضاف: «والله العظيم ماعملت كدا بمزاجى، وهى عارفة، هي عارفة كل حاجة الله يرحمها، أنا كنت بتنفسها وكنت عايش عشانها والله، والله كنت بتنفسها وعايش عشانها مش عايش عشان حد غيرها، هي اللى كانت بتشيل عنى كل حاجة، هي اللى كانت بتشيل همى وبتدور عليا، هي الحلم اللى بنيته لنفسى، عمرها ما قصرت معايا، وعمرها ما قالتلى اللى الناس بتقوله ده، ياما زعلنا وياما اتخانقنا وعمرها ما قالتلى المواصفات اللى انتوا بتقولوها عنى، أنا موجود ودمى موجود مستعد لأى تحليل ومستعد لأى حاجة، الكلام ده بعد ما اخد لها حقها منى».
ووجه المتهم البث إلى السلاح الخرطوش الذي بحوزته والذى أطلق النيران منه على الضحية أمانى الجزار.
وتابع: «أنا عمرى ما هسامح نفسى وهاخد لها حقها منى»، موجها كلامه لشخصية مجهولة قائلا: «إنتى السبب وانتى اللى عملتى فيها كدا بقالك ٤٥ يوم مموتاها حرام عليكى ليه كدا».
