عمرو أديب يطالب الدولة بتقديم امتيازات للمصريين بالخارج
طالب الإعلامي عمرو أديب؛ الدولة بمنح بعض
التسهيلات والحوافز للمواطنين المصريين بالخارج مشيرا إلى أنه سند كبير للاقتصاد.
وقال أديب خلال برنامج "الحكاية"
المذاع على قناة "أم بي سي مصر": "المصريين في الخارج؛ في ما يقارب
من 10-12 مليون مصري في الخارج حولوا إلى بلدهم 30 مليار دولار؛ وجودهم في الخارج
لو فيهم 5 مليون كل واحد بيعول اسرة في مصر هو مريحك في جزء كبير من التعداد؛
بيحبوا بلدهم والمواطن المصري مواطن حتى لو هاجر؛ هو عايش عشان راجع".
وأضاف: "تحويلات المصريين زادت السنادي
لسببين؛ السبب الأول أن غالبيتهم موجودين في دول الخليج الشقيقة وهذه الدول شهدت
تقدما اقتصاديا واستفاد منه الناس اللي شغالة على هذه الأرض ونمرة اتنين هو حاسس
أن العملة الصعبة بقت بتشتري أكبر".
وتابع: "أنا عايز أقول يا جماعة أن
الأول أن تنظر الدولة بشكل جاد في تقديم منافع وفوائد خاصة للمصريين في الخارج؛
أنا معرفش أيه ومعرف شدا يتعمل ازاي؛ أنا عايز المصري اللي راجع دة يحس بالمكافئة؛
يحس أن بلده مبسوطة منه وبتطبطب عليه".
وواصل: "الناس دي تعرضت لاختبارات كثيرة
وكانوا بيفضلوا يحطوا فلوسهم في مصر ووارد أنهم كان ممكن يحطوا فلوسهم برة؛ هتقولي
دة أمر طبيعي ماشي ولكن الطبيعي أن بلدك تحبك".
وأكمل: "كل ما أجي أتكلم في الموضوع أن
يدخل عربية يقولك العربية لا ومش دستوري؛ أعمله عليها تخفيض شوية وأعمله إجراءات لعيالة
وهو راجعين يعادلوا الشهادات بتاعتهم؛ حسسه ببعض الطبطبة".
واختتم: "أنا بطالب أن 10-12 مليون دول؛
اللي بيعولوا 20% كمان بيدخل فلوس قد ايه؟ أنت عارف؛ الناس القرش بالنسبالها حراق
أول ما تنزل تلاقي عليك كذا؛ أعملولهم حاجة حلوة".
