عمرو أديب: "مصر منورة فرح ومفيش أي ترشيد في الكهرباء"
علق الإعلامي عمرو أديب على قرار الحكومة
بترشيد استهلاك الكهرباء من أجل توفير الغاز الطبيعي المستخدم في تشغيل المحطات.
وقال أديب خلال برنامج
"الحكاية" المذاع على قناة "أم بي سي مصر": "جينا قلنا للناس عايزين نقلل الكهربا؛ أنا عايز أسأل
سؤال أنتوا شايفين تقليل للكهربا؟ مصر منورة فرح؛ فتكلم حد يقولك بس عشان الناس
متضايقكش وليه نضلم البلد".
وأضاف: "أنت أي واحد فيهم؛ أنت عايز
الناس تقلل؟ شنغهاي في الصين بيجيوا في
ساعة بالليل زرار البلد بتضلم كلها؛ أنت أي واحد يا تقول للناس في مشكلة ونساعد
بعض يا تقول للناس كل حاجة عظيمة وشغلوا النور وافتحوا الماية".
وتابع: "إنت عايز بقي يا حكومة بجد تقلل
الصرف والإنفاق؛ إنفاق الحكومة من العملة الأجنبية ضخم جدا يجب أن يقل؛ أنت عايز
ولا لأ؟ قولي لا عندنا غاز مرطرط ونستخدم الغاز".
وأكمل: "الدنيا كلها بتمشي مع بعض
وبيطلع وزير المالية يطمنا؛ ومينفعش نقول للناس هنطفي النور فنضلم ميدان التحرير
بس؛ أنا راجع في الطيارة مصر من فوق نجفة؛ أنا مش ضد أنا مش غاوي ضلمة".
واختتم: "شوف كوبري أكتوبر وأنت جاي
كمية الإعلانات اللي منورة دي قد إيه وبكام؟ أنت عايز تقلل النور ولا مش عايز؟
عايز تقولنا في مشكلة ولا متقولناش؟ تحس أن في خطوة للأمام وخطوتين للخلف".
