تامر أمين يوجه رسالة إلى إدارة الأهلي بشأن المدرب الجديد
طالب الإعلامي
تامر أمين؛ مجلس إدارة النادي الأهلي؛ بالتعاقد مع مدير فني أجنبي على مستوى عالي
مشيرا إلى أن الوضع الحالي لا يحتمل التجارب.
وقال أمين خلال
برنامج "أخر النهار" المذاع على قناة "النهار": "رحل
ريكاردو سواريش؛ رسميا النهاردة النادي الأهلي وجه الشكر للمدرب منهيا فترة تدريبه
القصيرة جدا للفريق؛ الأهلي بيتعاقد دلوقت مع مدير فني جديد وهيوصل خلال أيام".
وأضاف: "أنا
ليا رجاء وبقول أهو على الهواء مباشرة؛ أبوس أيدك يانادي يا أهلي ووتحديدا أبوس
أيدك يا حسام ياغالي بلاش المدرب المشروع؛ ولا عايزين مدرب مشروع ولا سيرفيس ولا
مكروباصات؛ عايزين مدير فني كفء؛ مدرب له أسم ودرب أندية أو منتخبات كبيرة وله
شخصية وعارف أسم الأهلي وعينه على البطولات".
وتابع: "مش
عايزين مدرب يجي يجرب؛ أنت محتاج حد يكون عنده ثقة ويضخها للاعبية مش هو اللي يجي
وعايز الثقة من الأهلي؛ مفيش حاجة اسمها مدرب مغمور ولا مدرب مشروع عايزين مدرب
عنده الحنكة لقيادة الفريق في هذا الوقت الصعب".
وواصل: "الأسبوع
اللي فات عرفنا أن محمود وحيد راحل لطلائع الجيش وفي كلام أن حسام حسن هيطلع إعارة
لسراميكا كليوبترا وفي كلام أن الأخ ميكسوني هدية موسيماني هيروح أبها السعودي".
واختتم: "الدنيا
هتحلو وهنشم نفسنا وكل اللاعيبة اللي مكانوش مناسبين لتشيرت الأهلي ومفتقدين
لشخصية الأهلي هيرحلوا ويبقى اللاعبية التي تستحق مكانها في الأهلي وينضم إليهم النجوم
التقال اللي يستحقوا تشيرت النادي الأهلي".
