أم لـ 5 بنات.. قصة ولاء جابر التي أنقذت أولادها من حريق شقة الإسكندرية ثم ماتت
«يا رب ارحمها وصبر بناتها».. بهذا الدعاء ودع رواد السوشيال ميديا ولاء جابر الأم التي أنقذت حياة بناتها الخمسة في حادث حريق شقة سكنية بعقار بمنطقة الهانوفيل بحي العجمي في الإسكندرية.
ودفع حريق الشقة الذي كان يتواجد بها رجل وزوجته و5 أطفال، الأب إلى إلقاء أطفاله من الشرفة على مراتب وضعها الجيران في الشارع، لينجو الأطفال ويموت الأب والأم.
وتداول رواد مواقع التواصل الاجتماعي منشور لـ ولاء جابر على فيسبوك، قالت فيه: «أنا أم لـ ٥ بنات، منهم ٣ توأم، وفية منهم بنوتة مريضة بأصعب مرض في العالم هو الصلب المشقوق، أنا كنت أكتر حد في الدنيا قلبة ضعيف ومبعرفش اتصرف حاسة أول إنجازاتي إن تاني يوم ولادة كنت واقفة على باب غرفة العمليات وهي بنتي جوري عمرها يوم فضلت مستنية ٤ ساعات مش حاسة بالألم الولادة أد ما حاسة بآلام في قلبي وهي حتة مني لسة مشافتش أي حاجة في الدنيا غير غرفة عمليات وعملت ٥ عمليات وبقيت أقوي بيها واغير لها على جرح العملية».
وأضافت: «استمدت قوتي منها وهي دلوقتي ٤ سنين ونص بقيت بعلمها إنها مميزة وهتبقي أحسن بطلة حبيت أميزها بقيت أعلمها سباحة وبقى عندها ثقة في نفسه إن أي إنجاز هي بتعمله عشان هي بطلة وضحكتها، وهي فرحانة بحاجة جديدة بتتعلمها دي بتديني القوة إني مينفعش أضعف وبقيت بحاول أخليها توصل لإخواتها إنها بتقدر تعمل أي حاجة زيهم ولو مقدرتش بقولها هنحاول لحد منقدر بقي عندها إصرار إنها توصل لكل حاجة من غير مساعدة حد وده في حد ذاته أكبر إنجاز في حياتي».
وختمت ولاء منشورها: «بشارك معاكم مش عشان أكسب لا عشان أقول لكل أم عندها طفل من أصحاب الهمم أنتي أعظم أم في الدنيا وأنا مش محتاجة حاجة غير دعوة حلوة لجوري وأخواتها وإن ربنا يقويني وأفضل واقفة على رجلي عشانهم».
