أحمد موسى يكشف حقيقة مطالبة مصر بتسديد 30 مليار دولار ديون نهاية العام

علق الإعلامي أحمد موسى؛ على ما تم تداوله في وسائل الإعلام خلال الأيام الماضية حول ضرورة تسديد مصر لـ 30 مليار دولار ديون خارجية قبل نهاية العام الجاري.

وقال موسى خلال برنامج "على مسؤوليتي" المذاع على قناة "صدى البلد": "في الكام يوم اللي فاتوا طلع بعد الناس يعملولنا فزع أن البلد عليها 30 مليار دولار لازم نسددها قبل نهاية هذا العام ايه الحقيقة؟ وأنا بقولكم عايزين يعملوا فزع ويخوفوكم".

وأضاف: "الحقيقة الأتية أن في ناس بتطلع لا عندها معلومة ولا رقم صحيح ولا اتصال بأي حد ولا أي شيء؛ أيه حقيقة الرقم اللي اتقال وهو غير موجود أساسا".

وتابع: "الرقم المطلوب أننا نسدده إلى نهاية السنة هما بس 5.5 مليار دولار ولا 20 ولا 15 هما بس 5.5 مليار دولار؛ طيب منين جه رقم الـ 30 مليار دولار؟".

وأكمل: "موضوع الديون الخارجية السنادي 2022 من أولها لأخرها 16 مليار دولار؛ سددت 11 لحد يونيو الماضي أنا بقولك الأرقام اللي حضرتك متجريش ورا ناس بتحاول تخدعك أو تخليك قلقان أو تعملك فزع بتسدد 11 مليار واللي باقي 5.5 مليار دولار".

واختتم: "في 2023 معرفش؛ هيكون عندك الرقم دة الـ16 بالإضافة لو في سندات دولية بتعرضها؛ لازم نخلي بالنا لأن الكلام دة بيخلي الناس تقعد تقول هنجيب منين".