تامر أمين عن استقالة شركة الكرة بالأهلي: "المركب اللي ليها ريسين بتغرق"
طالب الإعلامي
تامر أمين؛ مجلس إدارة النادي الأهلي بإعادة دراسة موقف شركة الكرة قبل تعيين مجلس
إدارة جديد لها عقب استقالة المجلس السابق.
وقال أمين خلال
برنامج "أخر النهار" المذاع على قناة "النهار": "كلكم
سمعتوا أمبارح عن استقالة شركة الكرة للنادي الأهلي وقبول مجلس إدارة النادي
الاستقالة؛ هتقولولي أن دة معناه تخبط أو عشوائية في القرارات أو عدم تخطيط سليم
هقولكم يمكن".
وأضاف: "كل
دة في حتة والصح في حتة تانية؛ الصح أن المركب ليها رئيس واحد وأي مركب ليها
رئيسين بتغرق؛ فكرة الشركة ومجلس الإدارة فاكرين أنا قلت الكلام دة من ستة شهور؛
قلتلكم أنا مش متفائل".
وتابع: "قلت
لازم يكون في توضيح اختصاصات وصلاحيات؛ شركة الكرة بتعمل ايه ومجلس الإدارة بيعمل
إيه ولجنة الكرة بتعمل ايه؛ مينفعش التلاتة يعملوا نفس الحاجة".
وواصل: "سبحان
الله حصل الصدام امبارح؛ ناس قالت عشان الرعاية وناس قالت عشان المدرب ورحيله لكن
أنا يهمني النتيجة والنتيجة أن الأمور عادت لنصابها السليم".
وأوضح: "كل
الاحترام للأشخاص اللي رحلوا ولكن في النهاية كان في مشاكل؛ وأنا سعيد بالوضع
الحالي اللي أتمنى أن مجلس إدارة الأهلي يتروى كثيرا في أنه يجيب مجلس إدارة تاني
لشركة الكرة؛ الكلام اللي سمعناه أنه مجلس الإدارة هيدعوا لجمعية عمومية لتعيين
مجلس إدارة جديد".
وواصل: "أحنا
مش بنمشي أحمد ونجيب عم أحمد؛ الهدف الفكرة كانت صح؟ الترتيب والتركيبة كانوا صح؟
لو كانوا صح كمل وهات الأسماء بس من الأول يكون في تحديد للاختصاصات".
واختتم: "نصيحتي
الوحيدة الصادقة للكابتن الخطيب؛ تروى وتأني ونشوف كان فين المشكلة ومنكررهاش؛
المشكلة كانت في الكيان والا في الأشخاص؟ والدراسة مبتخسرش".
