أحمد موسى يفضح كذب "الجزيرة" بعد نشرها فيديو مفبرك عن حريق كارفور

هاجم الإعلامي أحمد موسى؛ قناة الجزيرة القطرية بعد نشرها مقطع مصور يعود إلى عام 2020 وأشارت إلى أن الفيديو يتضمن مشاهد من داخل مول كارفور خلال الحريق الذي اندلع اليوم.

وقال موسى خلال برنامج "على مسؤوليتي" المذاع على قناة "صدى البلد": "الاعلام للأسف بعض مواقع التواصل ومعاهم قناة الجزيرة ارتكبوا جريمة؛ أول ما حصل الحريق والنار والدخان وقالك خد فيديو من داخل كارفور والزعر".

وأضاف: "الراجل بتاع الجزيرة لو كان بص في الفيديو وشاف الناس لابسة ايه؛ كان شاف الناس كلها لابسة شتوي والناس لابسه كأنها في اسكتلندا؛ الراجل في الفيديو لابس شتوي ازاي في اسكندرية في الصيف".

وتابع: "ويعرض الفيديو ويقولك زعر داخل كارفور الإسكندرية؛ والفيديو تاريخه يناير 2020؛ الفيديو كان في انذار حريق في كارفور اسكندرية ورفعوه النهاردة الجزيرة وغير الجزيرة ناس تانية جريت وراهم".

وأوضح: "ياجماعة ركزوا؛ الفيديو مفبرك منذ أكثر من سنتين؛ الزعر مش في كارفور الزعر عندك أنت؛ طيب أنت بتعرض فيديو مش بتبص عليه؟ لو جدعان اعتذروا وشيل الفيديو وقول بنعتذر عن رفع الفيديو بطريقة خاطئة زي أحمد موسى ما قال".

واختتم: "أنا بقولك أنك طلعت حاجة غلط فصححها بناء على كلامنا ليكم؛ أعملوا اعتذار لو عندكم الحكاية دي مش عيب".