التعديل الوزاري.. أحمد موسى يكشف أسباب عدم تغيير الحكومة بشكل كامل
علق الإعلامي أحمد موسى؛ على التعديل الوزاري
الذي اعتمده مجلس النواب اليوم مشيرا إلى أنه لا يمكن تغيير حكومة كاملة بشكل
مفاجئ.
وقال موسى خلال برنامج "على مسؤوليتي"
المذاع على قناة "صدى البلد": "التعديل الوزاري النهاردة عندنا 12
وزير ولكن هما في الحقيقة 12 لأن الدكتور خالد عبد الغفار كان وزيرا للتعليم
العالي والبحث العلمي وكان يقوم بمهام وزارة الصحة".
وأضاف: "السؤال اللي بيدور لدى الرأي
العام؛ هل التعديل دة يرضي طموحات الناس؟ هل الناس كانت منتظرة بعض الوزراء
المستمرين أنهم يتغيروا؟ هل كان الأمر في استعجال؟ كان ممكن نقعد يوم تاني أو
أسبوعين تاني مثلا يعني؟ لأن التعديل في الأخر كان مفاجأة أحنا منتظرين التعديل
الوزاري من سنة".
وتابع: "السيد الرئيس سئل في رمضان
الماضي هل في تعديل وزاري قريب؟ أو بعيد إلى أخر هذا الأمر بيطرح دائما وبعد يومين
تلاتة هتلاقي الناس عايزين تعديل وزاري وبعد شهرين تلاتة هتلاقي الناس بتقول
عايزين تعديل وزاري".
وواصل: "أسهل شيء لأي رئيس أنه يغير
ولكن دا له مخاطر؛ مسألة عدم الاستقرار لها مخاطر؛ الوزارات لازم تستقر؛ الحكومة
المصرية مش حكومة تجارب واحنا مش زي دول أن الحكومة تقعد شهر وتمشي".
وأوضح: "أحنا دولة عميقة بمعني الكلمة
وبالتالي لازم الوزير يستقر سنة أو اتنين؛ وأنت مش هتعمل حكومة كل شهرين تلاته
ومفيش حاجة أسمها أغير 35 وزير مرة واحدة لأن دولاب العمل عندنا معقد جدا".
واختتم: "هقولكم عبارة واضحة عشان
تعرفوا مفهوم التغيير اللي حصل النهاردة؛ هذا التغيير تغيير جزئي ومش لازم بكرة
يمكن النهاردة شوية وبعد شويتين تلاتة أربعة شوية تانيين؛ مينفعش فجأة كدة يبقي
عندنا 35 وزير جديد مينفعش في بلد زي مصر".
