مافيا على السوشيال ميديا.. الباز يكشف عن مستريح الثانوية العامة
كشف الإعلامي محمد الباز؛ عن وجود قيام بعض
النصابين بخداع طلاب الثانوية العامة وجمع أموال بداعي تقديم التظلمات على نتائج
الامتحانات.
وقال الباز خلال برنامج "أخر
النهار" المذاع على قناة "النهار": "في الفترة اللي فاتت أسمع
عن مستريح المواشي أو مستريح الدهب؛ لكن مستريح الثانوية العامة؛ واحد يدخل ينصب
على طلاب الثانوية العامة".
وأضاف: "وزير التعليم أكد أن التصحيح
يتم بشكل الكتروني ومفيش إمكانية لنسبة الخطأ وقد تكون الحالة الوحيدة اللي التظلم
يجيب فيها نتيجة أن ورقتك تكون اتبدلت ومع ذلك في ناس بتسثمر في النصب؛ يعني هما
بينصبوا عايزين يجيبوا فلوس وخلاص".
وتابع: "في مافيا كدة على السوشيال
ميديا ناس أعلنوا أنهم ممكن يضيفوا درجات لطلاب الثانوية العامة وقالوا إنهم
طالبين أربع حاجات؛ رقم الجلوس وصورة البطاقة والمبلغ المطلوب".
وأكمل: "المبلغ المطلوب دة 15 ألف جنيه
لو عايز ترفع المجموع 92% و8 ألاف لو عايز ترفع المجموع إلى 82% و6 ألاف لو هترفع
مادة واحدة؛ وأن الطالب يعمل تظلم في مادة واحدة".
واختتم: "انت بتتكلم عن عملية نصب
متكاملة لراجل واضح قالك الملف هيجيلي من المخازن وهعمل فيه أيه وهغير الدرجات؛
والمفروض الناس تتعامل مع دة على أنه هبل".
