مصطفى بكري يطالب بإجراء تعديل وزاري: "في وزراء واخدينها تكية"

شدد الإعلامي مصطفى بكري على أهمية إجراء تعديلات وزارية خلال الفترة المقبلة مشيرا إلى أن هناك عدد من المسؤولين الذين لا يؤدون عملهم بشكل جيد.

وقال بكري خلال برنامج "حقائق وأسرار" المذاع على قناة "صدى البلد": "تراكمات فساد واستبداد لسنوات؛ وكان عليك يا عبد الفتاح السيسي أنك تخلص البلد من البلاوي دي؛ دا عهدك اللي أنت قلته واحنا وقفنا كلنا كشعب مصر واخترناك وجبناك رغم أنك مكنتش عايز".

وأضاف: "أنت قلت إن هذا الشعب لم يجد من يحنوا عليه؛ ياتري في ناس بتحنوا على الشعب المصري؟ الإجابة لا في ناس بتنكد علينا حياتنا وبتصدر رئيس الدولة للواجهة؛ بيقولوا لا دي أوامر دي تعليمات هو اللي قال صفوا المصنع دة".

وتابع: "ازاي في حلف معين مهمتمهم التكويش على كل شيء يافندم احنا داخلين مؤتمر المناخ؛ أصل الوضع كذا ومفاوضاتنا كذا دلوقت؛ لا القراءة الصحيحة للواقع تقول إن لازم يبقي في تعديل أو تغيير وفي ناس لازم تمشي ولازم نسمع الناس عايزة تقول ايه ونسمع الناس بتئن ازاي؛ عشان بلدنا".

وأكمل: "عشان اللي حصل قبل كدة ميتكررش والرئيس قال الناس لو خرجت هتهدم كل حاجة؛ في ناس عايزة توقع البلد دي وفي ناس مش عاجبها اللي بيعمله السيسي خليني أتكلم بكل صراحة".

وأوضح: "في حلف الفساد موجود حلف الناس اللي عايزينها استبداد موجود في حلف الوزراء اللي واخدينها تكية؛ احنا محتاجين ثورة على كل دول عشان البلد؛ عشان مصر؛ عشان منخليش حد يلعب وأنا محدش ويزايد على مواقفي لا في دعمي لسيادة الرئيس ولا في دفاعي عن الدولة".

واختتم: "ما أسهل أن أقول كل حاجة تمام؛ لا كل حاجة مش تمام والسيد الرئيس عايز يسمع هذا الكلام ويسمع كل حاجة غلط في البلد عشان يصلحها لأنه واخد التوكيل من الشعب".