من هى أميرة أديب وسبب تصدرها تريند جوجل

تصدرت أميرة أديب تريند محركات البحث الشهيرة جوجل، والتي اعتادت مؤخرًا في آثارة الجدل بنشر فيديوهات حول أسعار المنتجات في الساحل الشمالي واستعمالها الملابس المستعملة.

وعبر خاصة "ستوري"، على حسابها الشخصي في موقع تبادل الصور والفيديوهات "إنستجرام"، قالت الفنانة الشابة أميرة أديب، "كنت في الساحل وواحدة صاحبتي راحت تجيب ماية، الراجل قالها ازازة المياه بـ 250 جنيه، إزاي المبلغ ده علشان ازازة مايه؟ أنا سافرت كذا حتة برة مصر وصرفت فيها أقل كتير من الساحل".

وأضافت الفنانة الشابة: "أنا من النوع اللي بيدور دايما على طريقة يوفر بيها الفلوس في السفر، لكن اللي بيحصل في الساحل ده مهزلة، خصوصًا إن حاجات أكتر في مصر ممكن نعملها وبتكون أرخص بكتير".

وفي تصريحات أخرى للفنانة أميرة أديب، قالت في فيديو عبر خاصية الستوري: "أنا بتهزق كتير أوي لما حد يسألني التيشيرت بتاعك ده منين، أنا غالبية الحاجات اللي بجيبها بتبقى ساكند هاند، يعني بجيب لبس كان بتاع ناس قبل كده، عشان البيئة، أنا مش بني آدمة بتتبسط خالص بالحاجات القيمة وكده، إني أجيب لبس غالي مش حاجة بتبسطني، اللبس بالنسبالي من أساسيات الحياة مش حاجة أنا بحبها أوي".

واستكملت حديثها قائلة: "عشان كده مش بعرف معظم الوقت أقولكم لبسي ده منين لأن أنا نفسي مش عارفة هو من فين، فلو سمحتم بطلوا تهزقوني، ولما بيكون في حاجة أنا شاريها بقول والله".

الممثلة الشابة أميرة أديب من مواليد القاهرة، ووالداها هما المخرج عادل أديب والفنانة منال سلامة، حيث نشأت داخل عائلة فنية، فجدها من جهة الأب هو الكاتب عبدالحي أديب وجدها من جهة الأم هو المخرج المسرحي سلامة حسن وخالها الفنان شريف سلامة وعمّاها الإعلاميان عمرو أديب وعماد الدين أديب.

ودرست أميرة أديب التمثيل والإخراج في مدينة لوس أنجلوس الأمريكية، وبدأت مسيرتها الفنية بالمشاركة في مسلسل "ولاد ناس" في العام الماضي، وتبعته بثلاثة أعمال درامية هي "نقل عام"، "مين قال" و"تحقيق"، والذي ضم مجموعة كبيرة من الشباب بينهم أحمد داش، إلى جانب النجم الكبير جمال سليمان، والفنانة نادين.

وشاركت أميرة في إحدى مسابقات ملكة جمال الشواطئ في الولايات المتحدة وحصلت على المركز الأول، وقررت العودة إلى مصر مع انتشار جائحة كورونا.