مصطفى بكري يفجر مفاجأة بشأن مطالب صندوق النقد الدولي

علق الإعلامي مصطفى بكري؛ على مطالب صندوق النقد الدولي من الحكومة المصرية من أجل الموافقة على قرض لمواجهة الأزمة الاقتصادية.

وقال بكري خلال برنامج "حقائق وأسرار" المذاع على قناة "صدى البلد": "دائما واحنا بنتكلم بتبقى النظرة الكلية قدام عنينا؛ أنت بلد يواجه تحديثات ومشاكل وبلد مستهدف ويتأثر بأزمات عالمية تنعكس عليك في صورة قرارات ومواقف وتراجع في صادراتك".

وأضاف: "نحن مدركين تماما ماذا يريد صندوق النقد الدولي؛ الرئيس عبد الفتاح السيسي لما كان في ألمانيا وأتكلم أن في معايير وطالب الدول الأوروبية أن تتدخل لدى صندوق النقد وتخبره أن هناك معايير في مجتمعاتنا لا يمكن أن احنا نقفز عليها كان كلام بيعبر عن ضيق كل مصري من الشروط التي يفرضها صندوق النكد الدولي".

وتابع: "الصندوق ده عايز البلد تمضي نحو الهاوية دي قضيتهم ودي أهدافهم السياسية اللي بتبقى مستخبية؛ صندوق النقد عايز رغيف العيش يتباع بعشرين قرش".

وأكمل: "المواطن المصري مش مستحمل ولا هيقدر يفي بحاجاته الضرورية ورغيف العيش هو الأساس في مصر كانت دايما المظاهرات لما بتقوم زي مظاهرات الخبز في 1977 وأنا كنت فيها واتحبست 3 شهور".

وأوضح: "عايز أقول لصندوق النقد أحنا بلد أوضاعنا الاقتصادية صعبة واحنا بلد خارج من مؤامرة كبيرة كانت تستهدف الدولة فبراحة علينا شوية كل يوم تطلعولنا بشوية شروط؟".

واختتم: "أحنا بنقولكم زي ما قال الرئيس السيسي أحنا عندنا معايير لا يمكن تجاوزها؛ رغيف الخبز خط أحمر كفاية غلاء الأسعار اللي الناس عايشاه وكفاية الأوضاع الصعبة اللي المواطن المصري عايشها".