حلمي طولان: الكرة المصرية "رايحة في داهية".. ومدرب الأهلي لا يدرب
أكد حلمي طولان؛
المدير الفني السابق لنادي انبي؛ أن الكرة المصرية تعاني كثير من المشكلات لافتا
أنه يجب عمل فترة انتقالية وأعادة تنظيم البطولة المحلية.
وقال طولان خلال
برنامج "حضرة المواطن" المذاع على قناة "الحدث اليوم": "اللي
أنا شايفه من خلال دراستي وخبراتي؛ اللي بيحصل خطأ تماما والكرة في مصر رايحة في
داهية؛ احنا المفروض نعمل وقفة ونغير نظام المسابقة لمدة موسم عشان نبدأ موسم في
توقيت سليم ونخطط لموسم بشكل سليم".
وأضاف: "لازم
نخطط عشان يبقي عندنا منتخب محترم مش لاعيبته مرهقة؛ الأهلي لعيب في 100 مسابقة
عشان كدة الدوري بتاعه كل 3 أيام مباراة ولا يمكن حد يلعب بهذا النظام".
وتابع: "تعب
الجهاز العصبي للاعبين بيدي إشارات غلط للمخ والعضلات؛ التفكير مش بيبقي سليم؛ مفيش
نادي بياخد الدوري على طول وإذا كان في إنجلترا ليفربول خد الدوري سنة ومخدوش في
السنة اللي بعدها".
وأكمل:
"إدارة الأهلي تعمل بإخلاص وبتدي كل واحد دوره وتحاسبه في الأخر؛ الراجل
المدرب اللي جه الأهلي مظلوم جدا الراحل معندوش وقت يدرب ودا نفس السبب اللي رفضت
عشانه تدريب الإسماعيلي؛ أنا متأكد مدرب الأهلي مبيدريش حاجة الوقت اللي عنده
يادوب يريح اللاعيبة".
واختتم: "أنت
عندك 42 بطولة دوري إيه يعني لما تروح متك بطولة الدوري سنة والا سنتين؛ مش مشكلة
السنادي بطولة أنت عندك بطولات قد الدنيا كلها".
