مصطفى بكري يرد على حملات التشكيك في الجيش: "شال البلد وحافظ على الدولة"
أكد الإعلامي
مصطفى بكري؛ أن الرئيس عبد الفتاح السيسي على علم بمعاناة المواطن المصري مشيرا
إلى وجود حملات تشكيك وإحباط كثيرة خلال الفترة الماضية.
وقال بكري خلال
برنامج "حقائق وأسرار" المذاع على قناة "صدى البلد": "الأسعار
مولعة والرئيس عارف أن الناس مضايقة؛ في دولة وفي مشروعات والأهم أن في أمن
واستقرار؛ أنا كمواطن مصري شايف حملات التشكيك ولكن أنا عايز أقول أحنا يا شعب مصر
عدينا بظروف أصعب من كدة وبنخرج منها".
وأضاف: "أسعار
القمح بدأت تنزل والنفط أسعاره هتنزل وأكيد القيادة السياسية بتراعي دة؛ وزي ما
رئيس الوزراء قال وكرر كلام وزيرة التضامن من كام يوم واللي قالت إن الرئيس وجه
بضم 900 أسرة جديدة لبرنامج تكافل وكرامة".
وتابع: "اجي
معاكم للجيش؛ التشكيك في جهود الجيش والقوات المسلحة وتعمد الإساءة إليها من بعض
الموتورين بالداخل والخارج يبدو الناس نسيت دور الجيش المصري".
وأكمل: "الجيش
المصري هو اللي شال البلد وحافظ على الدولة ومؤسساتها؛ المشير طنطاوي الله يرحمه
كان ليل نهار موجود في القيادة العامة للقوات المسلحة ومعاه المجلس العسكري ومعاه
الرجالة في كل حته".
واختتم: "الجيش
دة اللي كان الراجل المسؤول عن الامداد والتموين كان ياخد الفلوس يوديها قنا
وسوهاج عشان البنوك كانت واقفة والجيش دة اللي دفع سبعة مليار دولار من ميزانيته
عشان يسند الدولة اللي كانت بتقع وعشان خسرنا في يوم واحد في 28 يناير 73 مليار
جنيه في البورصة".
