عمرو أديب يعلق على فوز الزمالك بكأس مصر: "الأهلي عايز فريق جديد"
أشاد الإعلامي عمرو أديب؛ بفريق نادي الزمالك بعد فوزه
ببطولة كأس مصر عقب تغلبه على الأهلي في المباراة النهائية.
وقال أديب خلال برنامج "الحكاية" المذاع على
قناة "أم بي سي مصر": "اللي اتعمل امبارح مش ماتش؛ اللي اتعمل امبارح
لوحة فنية؛ الزمالك أمبارح فاز بالموهبة؛ الزمالك عنده 15-16 لاعب موهوب".
وأضاف: "من أمبارح بتكلموا الأهلي خسر ليه مش
الزمالك كسب ليه؛ الزمالك كسب أمس لأن عنده عدد من اللاعبية الموهوبة فيريرا دة
كان مديهم ثقة عالمية".
وتابع: "النادي الأهلي كان مستسلما في الشوط الأول؛
أمبارح الزمالك كن ممكن يخلص الشوط الأول خمسة أو ستة؛ نحن نتحدث عن خط دفاع ولا
مرة هاجمناه ألا وعدينا منه".
وأكمل: "الجزيري وبن شرقي أو زيزو أو أي حد حاول
يعدي عدى بمهارة؛ المدرب عمل أخطاء في التغيير؛ أنت متقدرش تلعب قدام الأهلي 45
دقيقة مدافع".
وأكمل: "بالأمس فاز الفريق الأفضل والفريق اللي قدر
يبقي واقف على رجليه؛ أنت بتلعب في شوارع مفتوحة؛ أنا قلت الأهلي مش عايز مدرب
جديد الأهلي عايز فريق جديد".
واختتم: "أنت كنت بتشوف دفاع الزمالك بيوقف الكورة
ازاي؟ فيريرا حل مشكلة التسليم والتسلم؛ الكورة من رجل لرجل واستلام وتسليم؛ أدوا
يا جماعة الحق للزمالك".
