مصطفى بكري: "صندوق النقد عايز يفرض علينا شروط ومعاييره مش هتطبق علينا"
أكد الإعلامي مصطفى بكري؛ أن صندوق النقد الدولي يرغب في
فرض شروط اقتصادية على مصر في مقابل منحها قروض للمساعدة في تخطي الازمة الاقتصادية.
وقال بكري خلال برنامج "حقائق وأسرار" المذاع
على قناة "صدى البلد": "كانت رسالة لما الرئيس قال ما معناه أن
صندوق النقد بيفرض شروط غير مقبولة وقال إن الواقع في بلادنا لا يحتمل المعايير
المعمول بيها".
وأضاف: "الصندوق زودها زيادة عن اللزوم؛ الصندوق
عايزنا نرفع الدعم نهائيا ونعمل مرونة في سعر الصرف وأن الدولة تبعد عن الاقتصاد وأنها
تدي كله للقطاع الخاص".
وتابع: "صندوق النقد المسمى بصندوق النكد الدولي دي
طريقته؛ عايز قرض هفرض عليك شروطي وأنا بقولهم كفاية لا انتوا هتدخلوا مين يمسك
التنمية في البلد؛ القطاع الخاص واخد فرصته تماما وأنا عارف كويس أوي أنتوا تقصدوا
ايه وعايزين تبعدوا مين".
وأكمل: "جيشنا لما يشارك في التنمية دي مرحلة
مؤقتة؛ والسيد الفريق محمد زكي قال في لقاء أنه بمجرد ما نكمل مهمتنا احنا قضيتنا
الأمن القومي".
وأوضح: "القطاع الخاص واخد دوره بشكل قوي؛ مسألة
رفع الدعم أنتوا عايزين تولعوها؟ أحوال الناس متستحملش أن أشيل الدعم الناس بالكاد
بتكح تراب ومستحملة عشان بلدها وأننا نخرج من الفترة دي".
واختتم: "هو احنا عشان عندنا أزمة عاملية منعكسة
علينا هتلوا دراعنا يعني؟ أرجوا أنكم تاخدو كلام الرئيس السيسي على محمل الجد
المعايير بتاعتكم اللي بتطبقوها في كل حتة مش هتطبق علينا".
