ابنة حسن أبو السعود تعلق على تصريحات شيرين: لما سمعت المكالمة دمعت
علقت رنا؛ ابنة الموسيقار حسن أبو السعود؛ على تصريحات المطربة
شيرين عبد الوهاب تجاه والدها خلال حديثها عن علاقتها بزوجها السابق الفنان حسام
حبيب.
وقالت أبو السعود في مداخلة هاتفية مع برنامج "يحدث
في مصر" المذاع على قناة "أم بي سي مصر": "أنا كنت شايفة أن
هي قبل ما تعتذر أنها مش قصدها لأن تاريخهم مع بعض كبير وهو كان باباها
تقريبا".
وأضافت: "أنا لما سمعت المكالمة دمعت؛ صعب عليا
بابا لأنها اتكلمت بطريقة مش لطيفة؛ أنا من جوايا مسمحاها لأنها كانت مضغوطة
وبتتكلم في طلاق وخناقة كبيرة مبوظة حياتها أنا أخدتها من باب أننا نرحم
بعض".
وتابعت: "أنا مسامحاها عشان الموضوع ميزدش عليها من
كتر الهجوم اللي شافته؛ هي انسانة عفوية وبيطلع منها كلام كتير غير محسوب؛ أحنا
كلمنا في العيلة متفقين أن الكلمة جارحة كأن رمز الوحاشة حسن أبو السعود".
وأكملت: "الطريقة اللي اتقالت بيها مش لطيفة؛ أنا
عن نفسي لو حد جه شتمني في وشي أصل هنقعد نتخانق ونهزق بعض؛ وربنا يسامحها
ويسامحني؛ أنا محصلش اتصال مع شيرين ومعنديش معلومة هل اتصلت مع حد في
العيلة".
واختتم: "النقابة كلمتني وقالوا هيعملوا مؤتمر وأنا
قلتلهم براحة عليها؛ وحتى لو تقصد أو في حاجة شيلاها ضده من زمان؛ ربنا يسامحها؛
أنا وقت وفاة بابايا أنا لقيت حد قاعد تحت رجله وبتبوس رجله وبتقول يا حسن متسبنيش
وأنا أسفه أن أنا زعلتك؛ أنا افتكرتها مامتي والا خالتي بشدها من كتفها لقيتها
شيرين".
