مش بتلبس قصير.. والدة بسنت حميدة ترد على منتقدي ابنتها

ردت والدة البطلة بسنت حميدة على منتقدي ملابس ابنتها، قائلة: "مينفعش تلعب غير باللبس ده، بالذات في المسافات القصيرة، بس والله هي مش بتلبس قصير، ولا بتنزل البحر بالمايوه، ولا بتتمرن به، وبتلعب بلبسها ده في البطولات وبس".

وأضافت والدة بسنت حميدة، خلال مداخلة هاتفية ببرنامج «حديث القاهرة»، مع الإعلاميين خيري رمضان وكريمة عوض، على قناة القاهرة والناس: "أرد على الناس اللي بتقول بسنت سجدت بالمايوه، إن بنتي فكرت في أنها تقول لربنا شكرا وتسجد له، والتعليقات عليها كانت قاسية وبقولهم دعوا الخلق للخالق لأن ربنا أعلم بالنوايا".

كما وجهت الشكر لجمهور الجزائر على دعمها في دورة ألعاب البحر المتوسط، قائلة: «جمهور وهران في الجزائر عظيم ومش هعرف أعطيه حقه، وشوفت كمية تشجيع كأني في مصر وحماس بشكل جنوني».

يشار إلى أن بسنت حميدة حصلت علي ميداليتين ذهبيتين خلال البطولة، في مسابقتي عدو 100 و200 متر.