أحمد موسى يطالب أسرة نيرة أشرف بالإبلاغ عن مقدمي عروض الدية
علق الإعلامي أحمد
موسى على قيام بعض المجهولين بعرض مبالغ مالية على أسرة ضحية جريمة المنصورة بغرض
العفو عن المتهم.
وقال موسى خلال برنامج
"على مسؤوليتي" المذاع على قناة "صدى البلد": "يوم
الأربع اللي جاي محكمة جنايات المنصورة تنطق بالحكم على قاتل الطالبة نيرة أشرف".
وأضاف: "نجد
بعض الناس يقولك تعالوا نجمع فلوس؛ ودي في حد ذاتها جريمة يقولك حولولي فلوس عشان
نروح لمتهم بالقتل؛ مين هؤلاء اللي بيعملوا الصفحات ألا يستحق الأمر متابعة وزارة
الداخلية والجهات المختصة".
وتابع: "أي
حد يطلع ويقول للناس هاتوا فلوس دي جريمة؛ مينفعش أي شخص يطلع يكتب بوستات؛ يتبرعوا
لمين؟ لقاتل لمجرم؟ أنا بطالب أسرة نيرة يتقدموا ببلاغات ضد أي شخص يكتب على مواقع
التواصل عايز فلوس من الناس".
وأوضح: "عندنا
قاتل وعندنا محكمة هتقول كلمتها النهائية يوم الأربع الجاي؛ تطلع حملة متعرفش مين
وراها ومين بيشغلهم؛ لصالح مين بيتعمل الكلام دة؟".
واختتم: "هو
القتل العمد فيه دية؟ يقولك محتاجين تبرعات تبرعات لمين؟ عشان قاتل؟ بتجمع فلوس
عشان قاتل؛ أنا بناشد محامي نيرة أنه يتقدم ببلاغ عشان يعرف مين الناس دي؛ هيئة
سوق المال تجرم جمع المال".
