أحمد موسى يطالب وزير النقل بإسناد إدارة السكة الحديد للقطاع الخاص
عبر الإعلامي أحمد
موسى؛ عن استيائه من قيام بعض الأطفال بألقاء الحجارة على القطارات خلال سيرها على
القضبان مما يتسبب في خسائر مادية ويؤثر على أمان الركاب.
وقال موسى خلال برنامج
"على مسؤوليتي" المذاع على قناة "صدى البلد": "لسه في
ولاد بيحدفوا طوب على القطارات؟ دا يوم الخميس القطر رايح من القاهرة للإسكندرية
واللي بعتلي قالي أنا مراتي كانت قعدة جنب الشباك ولو اتكسر يبقي ايه
الموقف؟".
وأضاف:
"ياجماعة دا مال عام؛ القطر أخد 4-5 ساعات على ما وصل إلى إسكندرية وانا
متوقف قدام الضرب دة لسة بنضرب ولسة في ناس مخربة وناس بتكسر حاجتها
بأيديها".
وتابع: "بقول
لسيادة الوزير كامل الوزير؛ أرجوك لو سمحت؛ أدي خدمات قطاع السكة الحديد كله
للقطاع الخاص؛ الناس اشتكولي أدوا القطاع الخاص يدير يدور ويشتغل".
وأوضح:
"دخلوا القطاع الخاص؛ السكة الحديد من أكتر الهيئات في مصر فيها خسائر
بالمليارات؛ وسيادة الفريق كامل الوزير قال هنجيب شركات؛ عجلوا وسرعوا عشان يبقي
في خدمة كويسة للناس؛ المواطن اللي دافع 125 جنيه في التذكرة عايز خدمة
كويسة".
واختتم: "احنا
بنركب القطارات برة أنضف من الطيارة؛ وأحنا عايزين دة في بلدي؛ لسة في ناس بترمي
طوب على القطارات؟ شرطة النقل تجيب الناس دي حتى لو كانوا أطفال؛ أكيد في منطقة
أبيس اللي حصلت فيها الواقعة دي نشوف مين اللي بيخرب".
