أمال ماهر تكشف أسباب غيابها وتعد الجمهور بحفل قريب
عبرت الفنانة أمال ماهر؛ عن أسفها بسبب الضجة التي أثيرت
حول اختفائها بشكل مفاجئ مؤكدة أنها أصيبت بفيروس كورونا وهو ما تسبب في ابتعادها
لفترة.
وقالت ماهر في مداخلة هاتفية مع برنامج "مساء دي أم
سي" المذاع على قناة "دي أم سي": "والله أنا اللي بتكلم وأنا
بعتذر للجمهور أنا فعلا كنت في حالة سيئة والكوفيد تاعبني بشكل فظيع؛ أنا بيجيلي
بكل حالاته ضيق نفس وصداع وأنا بقيت أنا والكورونا صحاب".
وأضافت: "جاتلي أول مرة خالص لما محدش كان عارف هي
ايه وبعدين جاتلي من ست شهور وبعدين دلوقت؛ أنا عايزة أطمن الناس وأقولهم أنا بخير
والصور اللي نزلتها على انستجرام كانت قبل ما اتعب بيومين".
وتابعت: "أنا كنت تعبانة جدا ولو كنت طلعت قبل كدة
كنتوا هتقلقوا أكتر؛ أنا لو خفيت دة بدعوات الناس وحبهم لدرجة أني دمعت وحب الناس
نعمة كبيرة؛ وأنا إن شاء الله هخف وأطلع معاكم لايف".
واختتمت: "أنا لما أخف شوية هكون معاكم في لايف وإن
شاء الله في حفلة قريب؛ شركة تذكرتي تواصلوا معايا وهما مسؤولين عن تنظيم الحفلة هنعلن
عن التفاصيل قريب؛ أنا هطلع بنفسي في الحفلة مش دوبلير".
