مصطفى بكري عن ظهور أكمل قرطام على قناة إخوانية: خطيئة لا تغتفر
انتقد
الإعلامي مصطفى بكري؛ ظهور المهندس أكمل قرطام رئيس حزب المحافظين؛ على قناة
مكملين الإخوانية وحديثه عن إمكانية مشاركة جماعة الإخوان الإرهابية في الحوار الوطني.
وقال بكري
خلال برنامج "حقائق وأسرار" المذاع على قناة "صدى البلد":
" اذا كان طلع أكمل قرطام رئيس حزب المحافظين؛ للأسف أنا عاتب عليك تطلع مع
قناة إخوانية اسمها مكملين؛ وتطلع مع محمد ناصر اللي استباح دم الجيش والشرطة وأنت
دايما بتكلمنا عن الوطنية والديموقراطية".
وأضاف:
"اللي انت بتكلمهم وتشكر فيهم ويشكروا فيك؛ طيب الناس اللي ماتت دي دمها فين؟
التحريض اللي سب الدولة ومؤسساتها هننساه يا بشمهندس؟".
وتابع:
"انت كنت ناقص؟ ما كل الناس بتطلع في القنوات المصرية دلوقت؛ أنت متعرفش
الشعب المصري لما شافك طالع على قناة مكملين قال ايه؟ تطلع مع محمد ناصر تطلع مع
فلان الناس دي باعت البلد؛ احنا عمرنا ما شفناهم معارضين ولا أي حاجة".
وأكمل:
"أنا بقولك يا بشمهندس اللي أنت عملته خطيئة لن تغتفر؛ وكان يمكن أن تعبر عن
رأيك في مصر؛ أنت طالع مع واحد عارف كويس هو بيعمل ايه في البلد؛ بيقول أنا بطالب
الشارع المصري أنه كل ما يشوف جندي أو ظابط يقتله؛ طيب دة مش تحريض على القتل؟ هي
القناة دي مش تحريض على القتل؟".
وأوضح:
"اللي حصل دة ضرب من الجنون وخروج عن كل القيم الوطنية وعشان كدة أخونا
النائب ياسر قورة عضو اللجنة العليا لحزب الوفد قال إنه هيتقدم ببلاغ للنائب العام
باعتبار اللي حصل خروج عن الدستور والقوانين وقانون لجنة الأحزاب وقيم المجتمع".
واختتم:
"ما يحدث الأن يربك المشهد؛ يتصور البعض أنه قادر على احداث تحول؛ الشعب
المصري عارف مين معاه ومين ضده قرارات الشعب المصري اللي بياخدها في لحظة حاسمة هي
قرارات صحيحة".
