عمرو أديب عن زحام محاكمة قاتل نيرة: القاضي يشتغل ازاي؟
علق الإعلامي عمرو أديب، على التزاحم الذي شهدته قاعة المحكمة خلال محاكمة المتهم بقتل الطالبة نيرة أشرف أمام جامعة المنصورة.
وقال خلال برنامج "الحكاية" المذاع على قناة "أم بي سي مصر": "أنا عايز أقول حاجة بقي، وحاجة لازم أتكلم فيها، وآن الأوان وزير العدل يتدخل في هذا الأمر"، متسائلًا: "هي ليه المحكمة عاملة كدة؟، احنا بنشوف المحاكم برة، إيه دة؟، القاضي يعرف بشتغل ازاي؟، المحامي ليه مكان والمتهم ليه مكان، ناس كتير واقفة وناس ورا، إيه ده؟، القاضي يشتغل ازاي؟".
وذكر: "أية العيب في أن المتهم يبقى في القفص أو ليه مكان في الكرسي بتاعة وليه مكان، ويبقي في تصوير واحد لكل القنوات ويبقي فيه كاميرا واحدة للجميع"، متابعًا: "ليه احنا الوحيدين اللي المحكمة بتاعتنا شكلها كدة، أنا بتكلم بشكل عام مش على القضية دي، اتفضل حضرتك أنت محامي الدفاع وأنت المتهم والحرس بتاعه تقعدوا في الصف ده، ولما القاضي يكلمك تقف".
وأختتم: "حضرة القاضي يكلمه وحواليه عشرين واحد، وهاتوله ماية ومناديل، احنا لازم نرحم القاضي ده، والراجل ده الرول بتاعه غير القضية دي عنده قضايا كتير".
