عمرو أديب يعلق على دعوة "أسماء صادمة" للحوار الوطني
أكد الإعلامي عمرو أديب؛ أن وجود أسماء تبدو صادمة لبعض
الناس في الحوار الوطني يعد دليل على جدية هذا الأمر.
وقال أديب خلال برنامج "الحكاية" المذاع على
قناة "أم بي سي مصر": "وجود أسماء صادمة للناس هو دليل على جدية
الأمر؛ أنا مش رايح أجيب اصحابي وزمايلي واحد زي عمرو حمزاوي دة أستاذ في العلوم
السياسية ومفيش في ايده دم".
وأضاف: "لو احنا جايبين الناس كلها تسقف وتقول أمين
وتكلم في حاجات ملهاش معني يبقي فشل العالم كله هيبصلك أنت جاد والا مش جاد أنت
بتشتري وقت والا عايز حوار بين أبناء الشعب والوطن".
وتابع: "المعارضة دمها تقيل في أي مكان الناس تقوله
انت مش شايف الإنجازات؟ أنا مش موجود في المعارضة عشان أقولك الإنجازات".
وأوضح: "لو جبنا ناس تسقفلنا في الحوار الوطني يبقي
كل عام وأنت بخير؛ في أسماء بالنسبالي صعبة البلع ولكن لازم نبتدي نتعود أننا نسمع
أراء وكلام مش على هوانا".
وأكمل: "أنا بس عايز أقول نقطة هامة؛ هو لما قامت
الثورة في 2013 كان ايه الرهان؟ حاجة واحدة بس وهي العزلة؛ أن اللي انتوا عملتوه
دة العالم كله هينبذه ومحدش هيتعامل معاه".
وواصل: "اذكر دولة واحدة الأن لا تتعامل مع مصر؛
النهاردة بالتحديد اذكر دولة في العالم عندها مشكلة مع مصر؛ لست معزولا والعالم
كله يعرف قدرك".
واختتم: "أنت لما تيجي تعمل الحوار الوطني بالشكل
دة أنت بتقول للجميع أنا معنديش عزلة داخلية ولا عزله خارجية لأن هو دة كان الرهان".
