مصطفى بكري: "مفيش أي مبرر لشاب أنه يرمي نفسه في النيل أو من برج القاهرة"

أكد الإعلامي مصطفى بكري؛ أن الشعب المصري يمتلك من القيم ما يجعله يتصرف تصرفات حضارية؛ لافتا أنه لا يوجد أي مبرر لحوادث الانتحار التي وقعت مؤخرا.

وقال بكري في مداخلة هاتفية مع برنامج "حقائق وأسرار" المذاع على قناة "صدى البلد": "مفيش مبرر لشاب أنه يرمي نفسه في النيل أو من على برج القاهرة حتى لو كان دة أسلوب للاحتجاج على شيء ما؛ في مشاكل في مجتمعنا كتير وفي مشاكل بنعانيها في المجتمع".

وأضاف: "في ناس بتطلع تتكلم في أمور دينية ليس لها الحق فيها وفي ناس بتسخر من أشياء لا يجوز لها السخرية منها وفي مذيع بيطلع يشككنا في الأسراء والمعراج وأمور صيام وغيره ولما نتكلم محدش ياخد منه موقف ولما نتكلم محدش ياخد منه موقف وعلى راسه ريشة سعادته".

وتابع: "أنت بتضرب قناعاتي الدينية عايز أيه بعد كدة لازم ميبقاش في حد محمي مش تطلع وتبهدل الدنيا وتشكك في كل حاجة ومحدش يكلمك؛ هو حضرتك ماسك علينا حاجة؟ الثوابت مفيهاش كلام وفرق كبير بين أنك تحرص على الدولة والمجتمع وأنك تنتقد قيادة سياسية أيا كانت كبيرة أو صغيرة".

وأوضح: "بطلوا تبثوا الفتنة في المجتمع وأنتوا بتخدونا في مناطق جانبية؛ ما معني أنت تكون معارضا أو تكون مناصرا للدولة أو أي شيء إيجابي؛ لما ألاقي حاجة تستحق التأييد لازم أؤيد لما ألاقي حاجة تستحق المعارضة وأعارضها مش معناه أني بقيت سوداوي".

وأكمل: "لازم نبحث مشكلة أبنائنا إيه ونبعد الأشكال المريبة عن الساحة والتلفزيونات مجبش واحد يشككلي في الدين والعقيدة أو واحد يحرض فئة مجتمعية على فئة تانية أنا بحل كل الناس دي مسؤولية ما يحدث في المجتمع".

واختتم: "هو مطلوب نبقى أبطال على جثث الناس؟ هو مطلوب ننسي البلد دي اللي لو وقعت والله ما حد هيلمنا؛ 104 مليون محدش هيلمنا".