ابنة عم طالبة المنصورة: والدة نيرة منهارة بسبب ما ينشر على مواقع التواصل

أكدت زينة؛ ابنة عم نيرة أشرف فتاة المنصورة، أن الأسرة تعاني بسبب ما ينشر عن القضية في وسائل التواصل الاجتماعي، مطالبة الجميع بالتوقف عن الخوض في القضية.

وقالت زينة في مداخلة هاتفية مع برنامج "من الجاني" المذاع على قناة "الحدث اليوم": "والدتها منهارة بسبب اللي بيتنشر ونيرة حظها السيء أنها وقعت في الشخص دة بيحصل؛ اذكروا محاسن موتاكم واعتبروها اختكم؛ أحنا مش عايزين حاجة تانية غير أنه يتعدم".

وأضافت: "نيرة محطتش في حسابها وفي خيالها أن كلامه يبقي بجد؛ بقاله سنتين بيهددها على السوشيال ميديا وفي كل مكان وأكيد دة مش مريض نفسي".

وتابعت: "الموضوع بدأ بأنه بيعملها أبحاث وبعد بدأ اعجاب من ناحيته؛ وهي مبادلتوش حاجة؛ هو مش مريض نفسي وأي حد يقول كدة يبقي كداب وهو بيخطط من رمضان أنه يقتلها وهي كانت فاكرة أنه بيهوش وهي مكانتش خايفة منه لحد ما قضى عليها".