لميس الحديدي توجه رسالة إلى أحمد أمين بعد إعلانه إنتاج مسلسل كرتون للأطفال
علقت الإعلامية لميس الحديدي؛ على قرار
الفنان أحمد أمين؛ البدء في العمل على مسلسل كرتون للأطفال ليكون بديلا لما تقدمه
ديزني الأمريكية التي تصر على فرض قيم لا تتفق مع المجتمعات العربية.
وقالت الحديدي خلال برنامج "كلمة
أخيرة" المذاع على قناة "أون": "كنا بنتكلم على ديزني وفتحتا
موضوع إصرار رؤساء الشركة على تقديم محتوى يروج للمثلية الجنسية وواجهنا ده وقلنا إن
ده غير مقبول وعلى الأهالي أنهم يحذروا من أفلام ديزني".
وأضافت:" بعدها في 14 دولة عربية
وإسلامية رفضت عرض فيلم "باز لايتير" لأن في قبلة بين إتنين من العرايس النساء في
الفيلم وديزني رفضت إزالة اللقطة والدول قالت خلاص مش هنعرض الفيلم".
وتابعت: "المنع مش لازم يكون خط الدفاع
الوحيد؛ أن قدرت تمنع شوية مش هتقدر تعرض كتير؛ الحل أنك تواجه بإنتاج فني مقابل
ويقدم لأطفالنا القيم بتاعتنا".
وأوضحت: "طول عمر ولادنا واحنا كنا
بنتفرج على محتوي مصري وعربي يسد ثغرة في المحتوي المقدم للأطفال والنهاردة وقفت
قدام بوست كتبه الفنان أحمد أمين".
وأكملت: "أحمد أمين قال طول
الوقت عندي حلم مستمر إني أرجع أعمل عمل فني للأطفال، وفي دماغي أفكار كتير بتتحول
لمشاريع على الورق والخطط تتأجل زي مشاريع تانية كتير، بس مع القلق اللي جوانا
كلنا على ولادنا من المحتوى اللي بيتقدملهم واللي هو منغير بدايل تقريبا، حسيت إن
ده وقتها وقررت اتكل على الله، وأشمر وأبدأ شغل فوراً وبشكل عاجل في مسلسل كرتون
جديد للأطفال".
واختتمت: "بحيي أحمد أمين وبقوله أتمنى
أن تستمر هذه الروح وهذه الغيرة تستشري في كل القائمين على المحتوى في مصر أن احنا
نقدر فعلا نعمل حاجة نقدمها وتواجه ما يقدم من ديزني".
