عمرو أديب: الجنرال حظ عضو مؤسس في النادي الأهلي
علق الإعلامي عمرو أديب، على تعادل الأهلي والزمالك في مباراة القمة والتي أقيمت بين الفريقين في إطار مباريات بطولة الدوري الممتاز.
وقال أديب خلال برنامج "الحكاية" المذاع على قناة "أم بي سي مصر": "ببساطة وفي جملة واحدة مشفتش في حياتي حد عنده الحظ النار ده زي النادي الأهلي؛ نادي حظه نار ومشفتش في حياتي نادي حظه دكر زي الزمالك".
وأضاف: "الماتش اللي شفناه النهاردة دة بيقولك أن الجنرال حظ هو عضو مؤسس في النادي الأهلي وأن النادي الأهلي مهما حصل وتحت أي ظرف الحظ يبقى معناه "، متابعًا: "الحظ أن الكورة تيجي لإمام من عند شيكابالا والعارضة تروح طالعة لفوق عشان الكرة متدخلش، وأن عبد الغني يلعب الكرة لشريف ورا هو ده الحظ اللي أنا أعرفه؛ الأهلي حظه نار".
وأوضح: "الأهلي عنده فرقتين ورغم ذلك لم يكن عظيما؛ الناس هتقولي ليه هو الأهلي اللي بيكسب، في المحصلة أن الأهلي خد الدوري النهاردة".
واختتم: "الأهلي مش حلو ومش عظيم أوي بس مفيش أحلى منه؛ الأهلي أحسن الموجودين فذلك ياخد الدوري؛ النهاردة الزمالك كان لازم يطمع شوية ".
