المرض النفسي لا يصيب مؤمن.. حسام موافي في مرمى الانتقادات بسبب تصريح
وجهت العديد من الانتقادات للدكتور حسام موافي استشاري الباطنة، وذلك بسبب تصريحه بأن الأمراض النفسية لا يمكن أن تصيب مؤمن.
يقول محمد رجب أحد معلقين على فيسبوك: "دكتور حسام موافي استشاري الباطنة والحالات الحرجة في القصر العيني ده توصيفه المهني على مواقع الخدمات الطبية يعني مش دكتور أمراض نفسية ولا أي أمراض تانية وأساسا أساسا كفاية طب الباطنة والحالات الحرجة كتخصص عشان يتكلم فيهم دي مش تخصصات سهلة عشان بالمرة كده معاها نتكلم في حاجات تانية".
وأضاف: "مشكلة الدكتور حسام موافي ولأنه أخد لقب دكتور فكلامه مصدق وبيتسمع والناس بتنفذه.. خطورة الموقف ده ببساطة إنك خدت كلام من غير متخصص ونفذت كأنك روحت لدكتور عظام يعالجلك ارتجاع في المرئ".
طبيب بتاع كله
كلمة حكيم كانت تطلق زمان على الطبيب لأنه كان طبيب بتاع كله مكنش في تخصصات دقيقة إنما النهاردة في ظل التقدم والتطور وتخصص التخصص مبقاش تنفع فكرة الطبيب بتاع كله يا أخي ده الأمراض النفسية نفسها فيها تخصصات مش كلها أمراض نفسية يعالجها دكتور واحد..
تحياتي وتقديري للدكتور حسام موافي كطبيب باطنة وحالات حرجة مش بتاع كله".
وقابت امبرة سيد مكاوى :'خطورة الكلام إللي قاله دكتور حسام موافي إنه بيلعب في منطقة شديدة الحساسية ما بين العبد وربه، وفي عقيدة الإيمان نفسها، هقولك ليه.. أولا نفترض إن المريض النفسي مؤمن وقريب من ربنا ومبيعملش حاجة غلط يا سيدي، فلما تقوله لاحظنا احنا الدكاتره( هو قال كده في الفيديو حاجة زي واجتمع الفقهاء بالظبط) إن إللي مش مؤمن ووصل للحقيقة بيبقى عنده مرض نفسي، بتعمله ايه بقى؟ بتشككه في إيمانه كله وبتربي عنده ريبه وشك( شكرا يا دكترة جبتله مرض نفسي تاني) إنه مش مؤمن كفايه علشان ربنا يشيل منه، ما هو الموضوع مش علم ومرض خالص، احنا بنتكلم عن حاجة سببها عدم الايمان على درجة معينه".
واستكملت :" ثانيا لو المريض النفسي مش مؤمن بمقياس موافي، وشايف الدنيا سواد، فأنت تقوله إن المرض النفسي اللي عندك سبببه إنك مش مؤمن كفايه، فتقوم بكده عملت إييه؟ سودتها في وشه أكتر ولو فيه حته أمل ليها علاقة بإنه كويس أو طيب أو بيحب ربنا إنت قلتله تؤتؤ لازم أكتر، فحضرتك انشأت منتحر محتمل".
المصري يغضب حين تخبره بأنه مصاب بمرض نفسي
د الدكتور حسام موافي؛ أستاذ الحالات الحرجة في طب القصر العيني؛ على الهجوم الذي تعرض له بعد حديثه مؤخرا عن علاقة الأمراض النفسية بالتدين.
وقال موافي خلال برنامج "على مسؤوليتي" المذاع على قناة "صدى البلد": "هل يعقل أن أستاذ في كلية الطب وعمره 76 لا يعلم أن هناك تخصص أمراض نفسية؛ هل هذا يعقل؟ أنا أقول إن المريض المصري يغضب حين تخبره بأنه مصاب بمرض نفسي".
وأضاف: "أنا أكثر طبيب أقوم بكتابة الأدوية النفسية للمرضى؛ هناك لي للحقائق؛ بأي هدف؛ الله يعلم وأنا معتاد على ذلك؛ حين تتحدث عن الدين الأرتيكاريا تحدث؛ حين أقول للمتدين أنك ستكون أقل عرضه للأمراض النفسية من شخص أخر".
وتابع: "المتدين يكون راضي والراضي لا يصاب بالقلق أو الاكتئاب وقلت المتدين أقل عرضة للأمراض النفسية من المتوتر البعيد عن الله؛ أنا لا أقصد المسلم فقط أقول المسلم والمسيحي القريب من الله وقلت إنني لاحظت هذا الأمر في عيادتي".
وأكمل: "أنا لا أنكر تخصص الأمراض النفسية؛ أنا أستاذ في كلية الطب وأحيل المرضى لزملائي في تخصص الأمراض النفسية؛ لو تحدث عن الحجاب فالأمر لا يصح ولكن لو تكلمت عن الشذوذ فسيكون الامر حرية شخصية وهو ما حدث معي".
وأضح: "هل أنا أنكر علم الأمراض النفسية؟ وأقول إن المتدين لن يصاب؟ أنا قلت إن المصاب أقل عرضة للإصابة بالأمراض النفسية؛ لكل شيء سببين سبب حقيقي وسبب مقنع؛ 90% من المتحدثين يتحدثون بالسبب المقنع ولكنهم يخفون السبب الحقيقي لأنهم يحتاجون طبيب أمراض نفسية".
واختتم: "يقولون السبب المقنع فقط؛ يجب أن نتقي الله في كل كلمة نقولها؛ ويكفي من رد عليهم في مواقع التواصل الاجتماعي".
