أحمد موسى عن ارتفاع الأسعار: "طبق الفول بقى بـ 15 جنيه"
أكد الإعلامي أحمد
موسى؛ أن هناك ارتفاع أسعار في كافة أنواع السلع لافتا أن الأسر أصبحت تعيد تنظيم
احتياجاتها طبقا للدخل في ظل الزيادات الحالية.
وقال موسى خلال
برنامج "على مسؤوليتي" المذاع على قناة "صدى البلد": "في
الأزمات كل واحد بيفكر بدماغه؛ هو أنت النهاردة قيمة الجنيه اللي معاك دلوقت هو
اللي معاك من سنة؛ في بيوتنا هل استخداماتنا زي ما كانت قبل كدة؟ كل بيت بينظم
حاله في ظل ارتفاع الأسعار".
وأضاف: "هل
النهاردة بتعمل عزومات زي ما كنت قبل كدة؟ لا؛ هل بتروح تتغدي أو تتعشى في مطعم
كذا؟ لا؛ حتى الفول والطعمية بقي ليه رقم؛ علبة الفول بقت بـ 13 جنيه اللي كانت
تمنها قبل كدة 5 – 6 جنيه".
وتابع: "انتوا
عارفين طبق الفول النهاردة؛ حضرتك صاحي الصبح ورايح شغلك؛ الطلب اللي كان بـ 4-5
جنيه بقي بـ 15 جنيه النهاردة؛ في ناس بتحب عربية الفول دي؛ اللي كان بـ 4-5 جنيه
بقت بـ15 أنت متخيل؟".
واختتم: "ولا
يفرق معايا سمك ولا غيره؛ يفرق معايا دة؛ أنا يهمني الحاجات البسيطة أوي؛ دي أرقام
في البيوت وبقت النهاردة الأمور صعبة".
