مصطفى بكري ينتقد مقال عماد أديب: كلام غير منطقي
انتقد الإعلامي
مصطفى بكري؛ مقال الكاتب الصحفي عماد الدين أديب والذي أشار فيه إلى عدم قدرة
الاقتصاد المصري على احتمال الضغوط الناتجة عن الأزمة الدولية الحالية.
وقال بكري خلال
برنامج "حقائق وأسرار" المذاع على قناة "صدى البلد": "أنا
عاتب على زميلنا الكاتب الصحفي عماد أديب واللي طلعلنا بشوية سيناريوهات خلاها
سودة وقال أن الدول غير العربية
الشرق أوسطية زي إيران وتركيا وإسرائيل هيكون ليها السيطرة على المنطقة".
وأضاف: "قال
كمان إن اللي بيحصل سيؤدي إلى حالة من عدم الاستقرار الداخلي ساعتها محدش يقدر
يتوقع ردود القوى الشعبية وقال إن في نزوح كبير عبر الحدود مع ليبيا وفلسطين والسودان وعبر البحر المتوسط إلى
أوروبا".
وتابع: "الكلام
دة بيعني ايه؟ ولمصلحة مين ينشر هذا الشكل والتوقعات اللي في تقديري غير منطقية؟
هل يعقل أن مصر أصبحت مجردة من القوة والفعل والإرادة ووصلت للضعف الاقتصادي اللي
هيخليها تتأكل وشعبها يجري على ليبيا؟ ليبيا أيه ياعم مانت شايف ليبيا أهو وضعها
اية وأشقائنا في السودان وضعها اية".
وأكمل: "احنا
جربنا ما هو أسوأ في 25 يناير مشفناش الناس طلعت وهربت وعملت حالة الفوضى اللي
حضرتك بتوصفها دي خلي ثقتنا في بلدنا قوية؛ تهديد بالهجرة؛ فوضى عارمة؟ ليه مفيش
بلد مفيش إرادة مفيش شعب ومفيش جيد".
وأوضح: "احنا
في 1967 في بكل البلاوي دي تحملناها ووقفنا مع جمال عبد الناصر لأن كان عندنا ثقة
في هذا القائد؛ اللي طلعتيه في 9-10 يونيو عشان تطالبه بالبقاء".
واختتم: "الشعب
دة عنده ثقة في الرئيس عبد الفتاح السيسي؛ خلي يطلع يقول يا جماعة أنا هسيب البلد
دي واختاروا رئيس غيري الشعب المصري هيطلع يقوله ابقى؛ في لخبطة أه في مشاكل أه في
وزراء مفروض يمشوا أه بس احنا عندنا زعيم وطني وعندنا رجل أنجز في 8 سنوات مالا
ينجز في 30 سنة".
